Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Qaıyrymy mol mereke

Adamzattyń asyly, álemniń rahym nury, eki dúnıeniń sárýary, Paıǵambarlardyń sultany Hazireti Muhammedtiń (s.ǵ.s.) týǵan kúni – Máýlit merekesin oblysymyz atap ótti. Máýlit arabsha «týý», «týǵan ýaqyty» degen maǵynalardy bildiredi. Ol paıǵambarymyzdyń dúnıege kelgen kúnine baılanysty toılanatyn meıram. Al Mýhammed sózi «maqtaýly, maqtalynǵan» degen maǵynany bildiredi.

Bıylǵy Máýlit meıramy burynǵy atalyp ótiletin sharalardan basqasha turpatta uıymdastyrylǵanyn aıta keteıik. Buǵan deıingi jyldarda konserttik zaldardaǵy baǵdarlamalardy tamashalap kelgen musylman qaýymy bul joly aldymen oblystyq Aımaǵanbet qajy meshitinde Qazaqstan musylmandarynyń «Jeti rýhanı qazyq», «Din qyzmetkerleri atqaratyn dinı rásimder tizilimi» tuǵyrnamalary kópshilikke keń kólemde túsindirildi. Aıta keteıik, «Jeti rýhanı qazyq» – ımandylyq, otanshyldyq, bilimdilik, aýyzbirshilik, eńbekqorlyq, mádenıettilik, ádildik tarmaqtarynan quralǵan.

Rýhanı merekege QMDB Zeket qorynyń dırektory Talǵat Omarov jáne QMDB Sharıǵat jáne pátýa bóliminiń mamany Medet Qurmashulynyń arnaıy kelip qatysqanyn aıta keteıik.

Meshittegi jıynnan keıin barsha jamaǵat qaladaǵy «Sultan saraıy» meıramhanasynyń dastarhan basynda «Qarıasy bar eldiń – qazynasy mol» atty qaıyrymdylyq sharasyna qatysty. Elordadan kelgen meımandardyń quttyqtaýynan keıin «El úlesi – páterge» jalpyhalyqtyq aksıasynyń 146-shy páteriniń kiltin tapsyrý rásimi boldy. Bul jolǵy baspana Sarykól aýdanyndaǵy «Qabdesh ata» meshitine qyzmetke keletin ımamǵa tabys etilip otyr. Budan bólek, kóp balaly, az qamtylǵan 30 otbasyǵa azyq-túlik taratyldy.

Rýhanı sharada óńirdiń ónerpazdary ánnen-kúıden shashý shashyp, ǵıbraty mol sahnalyq qoıylymdar kórsetildi.