Azamattardy qabyldaýdyń biryńǵaı kúninde Qostanaıdyń polısıa basshylary 100-den astam azamatty qabyldady.
Polısıa departamentiniń bastyǵy Beket Aımaǵambetov 10 adamdy qabyldady. Generalǵa Qostanaı qalasynyń turǵyny Qorǵanbek Abdýlla júgindi. Aıtýynsha, ony týǵan qyzy aldap ketken. 2014 jyly onyń balalary kásipkerlikti qoldaý baǵdarlamasy boıynsha nesıe rásimdep, iri qara mal satyp alady. Bank kepilge Qorǵanbek aqsaqaldyń úıin tirkeıdi. Qujat boıynsha Qorǵanbek Abdýlla – sharýa qojalyǵynyń basshysy.
Biraq keıin bıznes shyǵynǵa ushyrap, balalary barlyq maldy satyp jibergen. Osy is boıynsha polısıa departamentiniń bastyǵy B.Aımaǵambetov aldymen múlik shyǵynyn esepteýdi usyndy. Ol úshin azamattyq-quqyqtyq qatynastar arqyly sotqa júginý qajet.
