Arqalyq qalasyndaǵy «Mýhtasıb Álmuhammed» meshiti jáne jastar resýrstyq bastamalar ortalyǵy birlese otyryp, Qazaqstan musylmandarynyń rýhanı tuǵyrnamasyn tanystyrý maqsatynda «Jeti rýhanı qazyq» taqyrybynda nasıhat-forýmyn ótkizdi.

Bul basqosýǵa shaHardaǵy qazynaly qarttar, ardagerler jáne jas býyn ókilderi qatysty. Forýmnyń negizgi maqsaty: qoǵamda rýhanı qundylyqtardy nasıhattap, óskeleń urpaqqa ımanı tálim-tárbıe berý, dástúrli ıslam qundylyqtaryn olardyń boıyna sińirý. Jıyn moderatory– Jastar resýrstyq ortalyǵynyń dırektory Amankeldi Ahmetjanov Nur-Sultan qalasynda ótken forým týraly aıtyp berdi.

Osy basqosýda qala ákiminiń orynbasary Túbekbaı Áýbákirov «Sana túzelse – adam túzeledi» degen taqyrypta, «Mýhtasıb Álmuhammed» meshitiniń ımamy Bektursyn Torǵaıbaıuly dinimizdegi asyl qundylyqtar haqynda baıandama jasady. Sondaı-aq, forýmǵa kelgen kópshilik qalalyq «Rýhanı jańǵyrý» keńsesi dırektory Roman Aımaǵanbetulynyń, ardagerler keńesi tóraǵasy Jánibek Ǵapbasulynyń, Fýrmanov aýyly «Táýbe» meshitiniń ımamy Nurhan Asanulynyń, tarıhshy-etnograf Shóptibaı Baıdıldınniń ulaǵatty da mazmundy oı-pikirlerin uıyp tyńdady.

QMDB-nyń Qostanaı oblysy boıynsha ókildiginiń baspasóz qyzmeti