Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Qostanaıda «Antikor ortalyǵy» ashyldy

Qostanaı qalasynda sybaılas jemqorlyqqa qarsy is-qımyl jónindegi aýmaqtyq departamenttiń «Antikor ortalyǵy» servıstik ortalyǵynyń ashylýy ótti.

Bul ortalyq Qostanaı turǵyndaryna kez kelgen másele boıynsha quqyqtyq kómek beredi. Sondaı-aq, jemqorlyq indetin joıýǵa yntaly kópshilik bas qosatyn qoǵamdyq ortalyq sanalady. Munda arnaıy monıtorıń keńsesi, búdjet kartasy ornalasqan.

Ortalyqtyń ashylý rásimine oblys ákimi Arhımed Muhambetov pen óńirge jumys saparymen kelgen QR sybaılas jemqorlyqqa qarsy is-qımyl agenttigi aparatynyń basshysy Qýanysh Japaqov qatysty.

«Bul ortalyq memlekettik qyzmetshi men halyqtyń arasyndaǵy baılanysty nyǵaıtýǵa jasalǵan úlken qadam. Memleket basshysy sáýir aıyndaǵy Joldaýynda atqarýshy bılik pen quqyq qorǵaý organdaryna ashyq qoǵam qalyptastyrýdy ilgeriletý, halyq muqtajyna jedel kómek qolyn sozý týraly mindet júktegen bolatyn. Bul ortalyq turǵyndarǵa quqyqtyq kómek berýdi kózdeıdi. Búginde biz «open spase» tájirıbesin engizip jatyrmyz. Qazir oblysta 49 ashyq kabınet jumys isteıdi. Bul barlyq aýdandarda bar. Biz «Qostanaı adaldyq alańy» jobasy aıasynda Qostanaı qalasy, Qostanaı aýdanynda front-keńseler ashyp jatyrmyz. Eń bastysy, bul sybaılas jemqorlyqqa qarsy kúresti kúsheıtedi», — dedi saltanatty sharada quttyqtaý sóz sóılegen aımaq basshysy Arhımed Muhambetov.

Qýanysh Japaqov búgin Rýdnyı qalasyna baryp, dál osyndaı «Antikor ortalyǵy» servıstik ortalyǵynyń ashylýyna qatysty. Agenttik aparatynyń basshysy odan keıin kenshiler shaharynyń jastarymen kezdesip, «Stýdentterdiń qyzmet kórsetý ortalyǵy» jobasymen tanysty.