Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

AÝYLǴA GAZ BERİLDİ

Altynsarın aýdanyna qarasty Sılantev selosyna gaz engizildi. Aýdandaǵy halyq kóp shoǵyrlanǵan iri eldimekendi gazdandyrýdyń birinshi kezeńi 1990-2000 jyldary júrgizilip, aýyl turǵyndarynyń 25% — yn qamtyǵan bolatyn. Sońǵy kezeń jańa jyl qarsańynda máresine jetkizildi. Josparly jumystyń nátıjesinde byltyr 92 abonent gaz taratý jelisine qosyldy.

2020 jyly qalǵan abonentterdi qosý jumystary jalǵastyrylatyn bolady. Roza Saýytova kógildir otyndy úıine alǵash ótkizgen turǵyndardyń biri.

— Biz tabıǵı gazdy ótkizgenimizge óte qýanyshtymyz. Úıdi gazben jylytý kómirge qaraǵanda áldeqaıda tıimdi. Otyn, sý máselesi qazirgi tańda artta qaldy desek bolady, — deıdi ol. — Aýylda turatyn zeınet jasyndaǵy kisilerge kúndelikti sý tasyp, aǵash, kómir shyǵarýdyń qıyn ekenin barlyǵy da jaqsy biledi. Jergilikti bılik bizdi osy qıyndyqtan qutqaryp otyr. Jańa jylda jaǵymdy jańalyqqa bólegen aýdan, oblys basshylyǵyna aıtar alǵysymyz sheksiz,– deıdi aýyl turǵyny Lúbov Chermenınova. Aıta ketý kerek, seloǵa gaz qubyryn tartý jumysyna respýblıkalyq jáne jergilikti búdjetten 122 mln teńge bólindi.

Gaz qubyrynyń jalpy uzyndyǵy 13,4 km quraıdy. Aýdannyń qalǵan aýyldaryn kógildir otynmen jabdyqtaý jumystary jalǵastyrylatyn bolady. Aldaǵy ýaqytta Úlken Chýrakov jáne Qosqudyq aýyldaryna kógildir otyn tartý josparlanyp otyr.