Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Ótken jyldyń jármeńkesi

Qostanaı qalasyndaǵy «Emshan» saýda ortalyǵy mańyndaǵy jabyq pavılonda aýyl sharýashylyǵy taýarlary jármeńkesi ótti. Saýda-sattyq sharasynda oblystyń 14 aýdany men Qostanaı, Rýdnyı qalalarynyń aýyl sharýashylyǵy taýarlaryn óndirýshiler ónimderin ákelip satty.

Jármeńkege 120 tonnadan astam ónim ákelingen. Quny – 70 mln teńge. Ádettegideı taýar baǵasy naryqtaǵydan 15-20 paıyzǵa tómen boldy. Saýda-sattyq barysyn baqylaýǵa oblys ákimi Arhımed Muhambetov arnaıy kelip, baǵany qadaǵalady.

–Jańa jyl qarsańynda sońǵy aýylsharýashylyq jármeńkesi ótkizip otyrmyz. Jalpy osy jyly 538 aýylsharýashylyq jármeńkesi ótti. Bıylǵy jylǵy jármeńkelerde 6 myń tonnaǵa jýyq azyq-túlik tómengi baǵamen satyldy. Satylǵan ónimniń quny 2,6 mlrd teńgeni qurap otyr. Al búgingi merekelik jármeńkege 27 tonna et ónimderi, 14 tonnadaı birinshi jáne joǵary surypty un ákelinip otyr. Budan bólek, 14 tonna qant, 14 tonna kókónis, 13 tonna kartop jáne de taǵy basqa ónimder halyqqa tıimdi baǵamen satylyp otyr, – dedi aımaq basshysy Arhımed Muhambetov.

Jármeńkege jınalǵan jergilikti jurtshylyq ádettegideı jumyrtqa men suıyq maıǵa, qant-sháı jáne kókónisterge uzyn-sonar kezekte turdy. Sondaı-aq, soǵym ýaqytynda qalalyqtardyń jármeńkeni asyǵa kútetinderi jasyryn emes. Jylqy men sıyr eti kózdi ashyp-jumǵansha ótip ketti. Bazardaǵy baǵadan áldeqaıda arzanyraq bolǵan jármeńkege kelýshilerdiń de qarasy qalyń boldy.

Et, kókónis, sút ónimderi, jumyrtqa, balyq, bal men jemis-jıdekter satylymǵa shyǵaryldy.Máselen, sıyr eti 1350-1500 teńge / kg, jylqy eti-1500-1700 teńge, kartop pen svekla 70 tng, kúrish 290 teńge , makaron ónimi 165 teńge, 5 kelilik un 495 teńge, suıyq maı 1l — 300 teńgeden, 5l – 1500 teńgeden saýdalandy.

–Jármeńekege kelip qajetti azyq-túlikti satyp alyp jatyrmyz. Et, jumytqa, qaımaq aldym.Jármeńkedegi baǵalar bazardaǵy, dúkendegi baǵalardan anaǵurlym arzan. Osynyń barlyǵy halyq úshin óte tıimdi, – deıdi qala turǵyny Ásıa Hasenova.