Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Қоныс құрылысы артады

Қостанай облысында «Нұрлы жер» тұрғын үй құрылысы бағдарламасы шеңберінде 330 мың шаршы метр тұрғын үй пайдалануға берілді. Бұл туралы облыс әкімі Архимед Мұхамбетов «Инстаграм» парақшасында жазды.

2019 жылы Қостанай облысында жалға берілетін және кредиттік тұрғын үй құрылысына 9,3 млрд теңге бөлінді. Бұл өткен жылдың деңгейінен 10%-ға жоғары.

«Бағалы қағаздарды шығару көлемі бойынша облысымыз көшбасшылардың үштігінде тұрғанын атап өткім келеді. 2017-2019 жылдары Қостанай облысының әкімдігі 22,0 млрд теңгеге облигациялар шығарды. «Бәйтерек Девелопмент» АҚ осы бағалы қағаздар сатып алып, бөлінген ақшаға тұрғын үйлер салынды», — деп жазды өңір басшысы.

Облыс әкімінің баспасөз хатшысы Саят Жүсіповтің сөзіне сенсек, қазіргі уақытта Қостанайдағы «Әуежай», «Юбилейный» және «Береке» жаңа шағын аудандары белсенді түрде салынып жатыр. Ал осы жылы «Қонай» шағын ауданын игеру жоспарлануда.

«Халықтың әлеуметтік осал топтары үшін жалға берілетін тұрғын үй қорын құру мақсатында 2019 жылы 8 объектіні іске асыруға 3,1 млрд теңге бөлінді. Қостанай ауданының Заречный ауылындағы «Северный» шағын ауданының құрылысы аяқталып келеді. 37 гектар алқапқа бірыңғай сәулеттік стильде 279 жеке тұрғын үй салынды. Былтырғы жылдың басынан бері облыста 658 пәтер берілді, бұл республика бойынша 4-орын. Нәтижесінде халықтың тұрғын үймен қамтамасыз етілуі 21,8%-ға жетті», — дейді Саят Жүсіпов.