Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Senatorlar sýbsıdıa máselesin talqylady

Senat depýtattary Serik Bekturǵanov pen Jeńis Nurǵalıev Qostanaı oblysynyń Altynsarın aýdanynda aýdannyń óndiristik ujymdary men uıymdarynda kezdesý ótkizdi, dep habarlaıdy Joǵary Palatanyń baspasóz qyzmeti.

Aýyl sharýashylyǵy taýarlaryn óndirýshilermen kezdesýde aýyl sharýashylyǵynyń túrli baǵyttaryn, atap aıtqanda mal sharýashylyǵyn sýbsıdıalaý máseleleri talqylandy. Gerbısıdterge arnalǵan sýbsıdıalardy qaıtarý jáne Aýyl sharýashylyǵy mınıstrligi aqparattyq júıeleriniń jumysy týraly másele qozǵaldy. Aýdan aktıvimen áńgime barysynda mindetti áleýmettik medısınalyq saqtandyrýǵa kóshý barysy men «Aýyl – el besigi» baǵdarlamasy talqylandy.

Aýdannyń pedagogıkalyq ujymdarynda 2020-2025 jylǵa arnalǵan bilim men ǵylymdy damytýdyń jańa baǵdarlamasy jáne «Pedagog mártebesi týraly» zań talqylandy. Muǵalimder qabyldanǵan qujattarǵa tolyq qoldaý kórsetti. Aýyldyq okrýg ákimderimen kezdesýde tórtinshi deńgeıdegi búdjet jumysy, sondaı-aq jańa júıe boıynsha ataýly áleýmettik kómek berý máseleleri talqylandy. Ákimder ataýly áleýmettik kómekke úmitker otbasylardyń qarjylyq jaǵdaıyn zertteıtin ýchaskelik komısıalardyń quqyqtaryn arttyrýdy qoldady, sondaı-aq 1 jastan 18 jasqa deıingi balalarǵa zattaı túrdegi áleýmettik kómekti jetkizý men berý týraly usynystar aıtyldy