Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jer telimderin talqylady

Qostanaı oblysynda jer telimderin zańsyz paıdalaný faktileri azaımaı otyr. Bul týraly oblys ákimdiginde ótken aparat májilisinde aıtyldy, dep habarlaıdy QazAqparat.

2019 jyly aýyl sharýashylyǵy maqsatyndaǵy jerlerge tekserý júrgizý kezinde bos jatqan 222,2 myń gektar jer anyqtalǵan. Búginde jerdi paıdalaný jáne qorǵaýdy baqylaý basqarmasynyń ınspektorlary 13,2 myń gektar alqaptaǵy zańbuzýshylyqtardy joıdy. Al burynǵy menshik ıeleri 3,2 myń gektar jaıylymdyq jerden óz erikterimen bas tartty. Qalǵan 205,9 myń ga jer basqarma baqylaýyna alyndy.

«Ótken jyly basqarma mamandary oblysta 566 tekserý júrgizdi. Nátıjesinde 325 zańbuzýshylyq anyqtaldy. Inspektorlar jerdi zańsyz ıelengenderge 23,6 mln teńge aıyppul saldy. Onyń ishinde 20,1 mln teńge oblys búdjetine óndirip alyndy. 1 mln teńge májbúrli túrde óndirip alý úshin jeke sot oryndaýshylarynyń palatasyna jiberildi. 2020 jylǵy 1 qańtardaǵy málimet boıynsha barlyǵy 320 myń gektar alqap memleket menshigine qaıtaryldy. Onyń ishinde 115 myń gektar alqap sot tártibimen májbúrli túrde alyndy. Bul jer telimderi Jankeldın, Jitiqara, B.Maılın atyndaǵy aýdandarǵa tıesili»,- deıdi oblys ákimdiginiń jerdi paıdalaný jáne qorǵaýdy baqylaý basqarmasynyń bastyǵy Nurlan Ábdýov.

Oblys ákimi Arhımed Muhambetov basqarma bastyǵyna óńirde qaraýsyz qalǵan alqaptardy memleket menshigine qaıtarý máselesin basa aıtty.

«Basqarma tolyqqandy jumys istep otyrǵan joq. Zańsyz jer ıelenýshilermen kúres álsiz júrgizilýde. Memlekettiń jer telimin májbúrli túrde óndirip alý úshin sot sheshimin jeke sot oryndaýshylaryna jiberesizder. Ary qaraı ne boldy? Bastaǵan isti sońyna jetkizbegensizder! Ásirese, jeri qunarly soltústik aýdandarda jumysty kúsheıtý kerek. Qazir bos jatqan jerdiń bári naqty maqsatqa baǵyttalýy tıis. Aýdan, qala ákimderi jáne oblystyq basqarma osy baǵytta jospar quryp, jumysty mindetine alsyn!» — dep tapsyrdy oblys basshysy Arıhmed Muhambetov.