Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Derbes búdjet bekitildi

Qostanaı oblysynda turǵyndar sany 2 myńnan asatyn 150-den astam aýyl jergilikti ózin-ózi basqarýdyń derbes búdjetine kóshirildi, dep habarlaıdy QazAqparat.

Oblys ákimdiginde ótken aparat jıynynda oblystyq Qazynashylyq departamentiniń byltyrǵy jumysy qorytyndylandy. Departament basshysy Erlan Oshaqbaevtyń aıtýynsha, 2018 jyldyń 1 qańtarynan bastap Qostanaı oblysynda turǵyndar sany 2 myńnan asatyn 45 aýyldyq okrýg jergilikti ózin-ózi basqarýdyń derbes búdjetine kóshken.

«Bıyl osyndaı 159 aýyldyq aýyl derbes basqarý deńgeıine aýysty. Jergilikti ózin-ózi basqarýdyń derbes búdjetin engizý aýyldyq okrýgterdiń qarjylyq múmkindikterin keńeıtýge múmkindik berdi. Qazir derbes búdjetke kóshirilýdiń ekinshi kezeńine jospar bekitilýde», — dedi Erlan Oshaqbaev.

Aýyldyq okrýgterdi ońtaılandyrý olardyń qyzmet tıimdiligin arttyrý maqsatynda búdjettiń derbes deńgeıine kóshýdi alǵashqy bolyp Qarasý aýdanynyń ákimdigi bastady. Bul ońtaılandyrý aýyldyq okrýgterdiń sanyn 19-dan 13-ke deıin azaıtýǵa, kadrlardyń sapalyq quramyn jaqsartýǵa, aýyl jáne aýyldyq okrýgterdiń mamandary arasyndaǵy júktemeni sáıkestendirýge múmkindik berdi. Búginde oblystyq Qazynashylyq departamentiniń qalalar men aýdandardaǵy basqarmalarynda 889 memlekettik, 204 memlekettik ózin-ózi basqarý mekemesi, 12 kvazımemlekettik, 13 memlekettik satyp alý sýbekti qyzmet alady. Aıyna orta eseppen 65 myń tólem eksheýden ótedi.