Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jóndeý jumystary jasalmaq

Qostanaı qalasynda birneshe kópqabatty úı jańǵyrtýdan ótedi. Bul týraly Qostanaı oblysynyń ákimi Arhımed Muhambetov Instagram paraqshasynda jazdy.

Ótken demalys kúnderi Qostanaı oblysynyń ákimi Arhımed Begejanuly Qostanaı qalasynyń birqatar nysanyn aralady. Aldymen, Qobylandy batyr dańǵylynda boldy. Osy jyly munda ınjenerlik jáne elektr jelilerin kúrdeli jóndeý, úı aýmaqtaryn abattandyrý josparlanýda.

«Altynsarın kóshesi men Abaı dańǵylyndaǵy turǵyn úılerdiń qasbetteri men jumsaq shatyrlaryn jóndeý jumystarymen tanystym. 2020 jyly 29 kópqabatty turǵyn úıdi jańǵyrtýdy josparlap otyrmyz. №4, 6, 19 orta mektepteri men №27 sábıler baqshasynda boldym. Osy bilim berý uıymdarynda 2020 jyly kúrdeli jóndeý jumystary júrgiziledi. Komýnıkasıa jelilerin, qasbetti, shatyrdy aýystyryp, mekemelerdi abattandyrý jáne materıaldyq-tehnıkalyq qamtamasyz etý jumystaryn júrgizý josparda bar», — dep jazady aımaq basshysy Instagram paraqshasynda.

Óńir basshysy Arhımed Muhambetov qala basshylyǵyna barlyq jumystardy belgilengen merzimde atqaryp, joba qunynyń negizsiz qymbattaýyna jol bermeýdi tapsyrdy.

Aıta ketetin jaıt, Qostanaı oblysynda 320 myń gektar jer memleket menshigine qaıtaryldy. Qostanaı oblysynda jer telimderin zańsyz paıdalaný faktileri azaımaı otyr. Bul týraly oblys ákimdiginde ótken aparat májilisinde aıtyldy.

2019 jyly aýyl sharýashylyǵy maqsatyndaǵy jerlerge tekserý júrgizý kezinde bos jatqan 222,2 myń gektar jer anyqtalǵan. Búginde jerdi paıdalaný jáne qorǵaýdy baqylaý basqarmasynyń ınspektorlary 13,2 myń gektar alqaptaǵy zańbuzýshylyqtardy joıdy. Al burynǵy menshik ıeleri 3,2 myń gektar jaıylymdyq jerden óz erikterimen bas tartty. Qalǵan 205,9 myń ga jer basqarma baqylaýyna alyndy.

«Ótken jyly basqarma mamandary oblysta 566 tekserý júrgizdi. Nátıjesinde 325 zańbuzýshylyq anyqtaldy. Inspektorlar jerdi zańsyz ıelengenderge 23,6 mln teńge aıyppul saldy. Onyń ishinde 20,1 mln teńge oblys búdjetine óndirip alyndy. 1 mln teńge májbúrli túrde óndirip alý úshin jeke sot oryndaýshylarynyń palatasyna jiberildi. 2020 jylǵy 1 qańtardaǵy málimet boıynsha barlyǵy 320 myń gektar alqap memleket menshigine qaıtaryldy. Onyń ishinde 115 myń gektar alqap sot tártibimen májbúrli túrde alyndy. Bul jer telimderi Jankeldın, Jitiqara, B.Maılın atyndaǵy aýdandarǵa tıesili»,- deıdi oblys ákimdiginiń jerdi paıdalaný jáne qorǵaýdy baqylaý basqarmasynyń bastyǵy Nurlan Ábdýov.