Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Kólikten paıda kóp

Arhımed Muhambetov «KazakhExport» AQ basqarma tóraǵasy Rýslan Ysqaqovpen kezdesti. Olar kólik qurastyrý salasynda áńgimelesti. Ótken jyly Qostanaı oblysynda kólik jáne qosalqy bólshekter saýdasy 6,4 esege ósken.

Kezdesý barysynda Qostanaı oblysynyń eksporttyq áleýeti jáne ınvestısıalyq ahýaly talqylandy. Óńir basshysy Arhımed Muhambetov atap ótkendeı, «KazakhExport» AQ ekonomıkanyń basym sektorlarynda shıkizattyq emes taýarlar eksportyn qoldap keledi. Sondaı-aq otandyq kásiporyndardy qarjylyq saqtandyrý boıynsha edáýir jetistikke jetken.

«KazakhExport» AQ basshysy Rýslan Ysqaqov oblys ákimi Arhımed Muhambetovke aksıonerlik qoǵamnyń Qostanaı oblysyndaǵy jumysy týraly aıtyp berdi. «2017 jyldan bastap bizdiń seriktestik Qostanaı oblysynyń 11 kásipornyna jalpy somasy 46,5 mlrd teńgege qoldaý kórsetti. Byltyrǵy qańtar-qarashada syrtqy saýda aınalymy 2,3 mlrd dollardy qurady jáne 2018 jylǵy kezeńimen salystyrǵanda 13,2% -ǵa ósti. Saýda qurylymynda eksport 49% quraıdy, ósim 15%-ǵa jetti. Jalpy eksport 1,1 mlrd dollardan asty»,- dedi «KazakhExport» AQ basqarma tóraǵasy Rýslan Ysqaqov.

Qostanaı oblysy búginde Reseı, Aýǵanstan, Ózbekstan, Qytaı jáne Iran elderine eksport shyǵarady. Bul salada óńdeý ónimderi 20%-ǵa jetti. Óńirdegi óńdeý ónerkásibiniń eksporty 234,9 mln dollarǵa teń. Qostanaı oblysynyń ákimi Arhımed Muhambetov óńdeýshi ónerkásibi eksportynyń ulǵaıǵanyna toqtaldy. Kólikter men qosalqy bólshekter 6,4 ese, makaron ónimderi 23%, sút ónimderi 12,2% ósti. Aımaq basshysy Arhımed Muhambetov Qostanaı oblysy memlekettik qoldaý tetikterin tıimdi paıdalanatynyn jáne eksporttaýshylarǵa kómek kórsetýge daıyn ekenin atap ótti