Qostanaıdaǵy Y.Altynsarın mýzeıi eriktilerdi jádiger jınaýǵa jumyldyrmaq, dep habarlaıdy maýzeıdiń baspasóz qyzmeti.

2020 jyl – eriktiler jyly. Osyǵan oraı Ybyraı Altynsarınniń Qostanaı oblystyq memorıaldyq mýzeıi volonter jastarmen birlese otyryp, «Týǵan jer» jobasy aıasynda aımaqta «Uly Dala ustazy» ǵylymı ekspedısıasyn ótkizýdi qolǵa alyp otyr.
Mýzeıde qazaqstandyq jastar kúnine arnalǵan erkiktilermen erkin kesh ótti. Maqsat — bıylǵy eriktiler jylynda oblystaǵy mádenı sharalardyń aýqymyn keńeıtý, birlesip tyń bastamalardy uıymdastyrý, mýzeılik qor jıyntyǵyn tolyqtyrý.
«Bul bastama negizgi 3 baǵyttan turady. Birinshisi – «mobıldi poezıa» jobasyn qolǵa alý (Bul baǵytta eriktiler Y.Altynsarınniń óleńin oqyp, uıaly telefondaryna túsirip, mýzeıge joldaıdy). Ekinshisi – erikti ekskýrsıa júrgizýshilerdi jasaqtap shyǵarý. Úshinshisi – volonterlerdi mýzeı qoryna jádiger jınaýǵa jumyldyrý» delingen habarlamada.
Jıynǵa Qostanaı oblystyq mádenıet basqarmasynyń bólim basshysy Ásel Mýsına, Qostanaı oblysy jastar saıasaty basqarmasy aqparattyq-ádistemelik sektorynyń jetekshisi Jupar Qojahmet, Qostanaı oblysy Jastar resýrstyq ortalyǵy eriktiler shtabynyń jastary, 2019 jylǵy Qostanaı oblysy jastary Altyn kitabynyń laýreattary jáne ustazdar qatysty.