Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jańa jumys orny ashylmaq

Qostanaı oblysynda 400 jumys orny ashylady. Bul týraly oblys ákimdiginde ótken jıynda kásipkerlik jáne ındýstrıalyq-ınnovasıalyq damý basqarmasynyń basshysy Oljas Saparbekov málim etti.

Búginde «Qarapaıym zattar ekonomıkasy» salalyq baǵdarlamasyn damytýǵa erekshe kóńil bólinýde. Oblysta toqyma ónimderi men jıhaz, azyq-túlik jáne basqa da taýarlar óndirisi jobalaryna qarjy bólindi.

«Atalǵan baǵytty damytýdyń qajettigi týraly Memleket basshysy halyqqa arnaǵan Joldaýynda atap ótti. Jergilikti taýar óndirýshilerdi turaqty damytý jáne ishki naryqty otandyq taýarlarmen barynsha qamtamasyz etý oblys basshylyǵynyń nazarynda. Bizdiń oblys «Qarapaıym zattar ekonomıkasy» salalyq baǵdarlamasy boıynsha respýblıkada 11-shi orynda tur. Sondyqtan aýdan-qala ákimdikteri jumysqa qarqyn qosý qajet. Qazirdiń ózinde 35 mlrd teńgege baǵalanǵan 97 joba qabyldandy. Onyń ishinde 9,3 mlrd teńge somasyna 30 joba maquldandy. Nátıjesinde 400-den astam jumys ornyn qurýǵa múmkindik aldyq. Munyń syrtynda qarjy ınstıtýttarynda 923,5 mln teńge somasyna 7 joba qaralyp jatyr», — dedi Kásipkerlik jáne ındýstrıalyq-ınnovasıalyq damý basqarmasynyń basshysy Oljas Saparbekov.

Toqyma jáne jıhaz óndirisine qatysty jobalar óńirlik Kásipkerler palatasymen birlesip iske asyrylmaq. Joǵaryda aıtylǵan 97 jobanyń 72-si agroónerkásiptik keshenge baǵyttalady. Sonymen qatar qaýipsiz qaldyqtardy joıý, velosıpedter, múgedekter arbalaryn shyǵarý jumystary da josparǵa qoıyldy.