Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Júıeli jumys jalǵasýda

Joldaǵy qaýipsizdikti jáne kólik quraldarynyń kedergisiz qozǵalysyn qamtamasyz etý maqsatynda «Jol aktıvteri ulttyq sapa ortalyǵy» RMK oblystyq fılıalynyń mamandary avtojoldardy únemi baqylap otyrady.

Ótken eki aıda «QazAvtoJol» kestesine sáıkes mamandar 40-qa jýyq tekseris júrgizdi. Barlyǵy 130 zań buzýshylyq anyqtalǵan, olardyń 100-ge jýyǵy joıyldy. Jol aktıvteri sapasy ortalyǵy oblystyq fılıalynyń dırektory Abylaıhan Alshynbaevtyń aıtýynsha, respýblıkalyq mańyzy bar joldarda qaýipsizdik barynsha saqtalýy tıis.

Máselen, Ekaterınbýrg-Almaty tasjolynda áli qar jatyr.

– Joldyń ústi, jıegi muz ben qardan tazartylyp turýy kerek. Tıisti mekemelerge 34 hat joldap, eskertýler jasadyq. Barlyǵy talapqa saı bolýy mindet. Keıi óńirde arnaıy tehnıkalar jetispeı jatady. Durys tazartylmaǵan jol túrli oqıǵalarǵa alyp keledi. Qańtar-aqpan aılarynda respýblıkalyq mańyzy bar avtomobıl joldarynda 12 jazataıym oqıǵa bolyp, 8 adam kóz jumǵan. Mine, mundaı jaǵdaılardy boldyrmaýdyń basty sebebi – joldardyń tazalyǵy, — dedi Abylaıhan Alshynbaev.

Fılıal mamandary jol qozǵalysyndaǵy qaýipsizsizdikti saqtaý úshin qatqan muz ben qar shógindilerin joıýdy, avtojoldardyń sapasyn standartqa saı keltirýdi usynady.