Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jańa tehnıka — jakńa múmkindik

Qostanaı oblysynda jyl basynan beri 10 myńǵa jýyq avtokólik qurastyryldy. Bul týraly oblys ákimi Arhımed Muhambetov áleýmettik paraqshasynda jazdy. Óńir basshysy Qostanaı qalasyndaǵy «SaryarqaAvtoProm» JShS zaýytyna baryp, zaýyttyń búgingi tynsymyen tanysty.

«Kásiporyn 8 brendti (JAC, Hyundai, Ravon, ChevroletNiva, MAN, Ankai, Yutong, ÝAZ) avtomobılderdiń 50-den astam modelderin óndirýdi ıgerdi. Mamandar qurastyrýdyń iri jáne usaq toraptyq ádisimen júzege asyrdy. Kásiporyn qurylǵannan beri onyń alańynda barlyǵy 77 myńnan astam avtokólik jınaldy, al jyl basynan beri 10 myńǵa jýyq avtokólik qurastyryldy», — dep jazdy Arhımed Muhambetov Instagram áleýmettik jelisinde.

Oblys basshysy Chevrolet Labo avtomobılderi men lovol traktorlary bazasyna baryp, dezınfeksıalaýǵa arnalǵan jabdyqtardy ornatý jáne paıdalaný múmkindigin baqylady. Búginde munda úsh aýysymda jumys isteıdi. Sondaı-aq qyzmetkerlerdi vırýstyq ınfeksıalardan qorǵaý maqsatynda kásiporynda barlyq qajetti sanıtarlyq-epıdemıologıalyq is-sharalar júrgizilgen.

Sonymen qatar, Arhımed Muhambetov qala mańyndaǵy blokposttardyń túngi jumysymen tanysty.

Oblym ákimi Rýdnyı tas joly, Qonaı kentiniń mańyndaǵy jáne Fedorov tas jolyna shyǵatyn sanıtarlyq beketterdi aralady. Blokposttardyń jumysymen jáne qyzmetkerlerdiń túngi aýysymdaǵy jumys jaǵdaılarymen tanysty.

«Qostanaı qalasynda 2 sáýirden bastap 7 sanıtarlyq post jumys isteıdi, onda bir aýysymda 4 polısıa qyzmetkeri men 2 medısına qyzmetkeri kezekshilik atqarady. Qyzmetkerler tórt mezgil tamaqpen qamtylǵan. Blokposttar arnaıy qurylǵylarmen, irgeli bloktarmen, jaryqtandyrý quraldarymen, kóshe jaryǵymen, beıne baqylaý júıesimen jabdyqtalǵan»,- dep jazdy aımaq ákimi.

Blokpost qalypty jaǵdaıda jumys istep tur. Polısıa qyzmetkerleri oblystyq ortalyq arqyly ótetin avtomobıl trafıgin tirkeýmen aınalyssa, dárigerler adamdardyń temperatýrasyn ólsheıdi jáne saýalnama málimetterin jınaıdy. Oblys ákimi jaýapty tulǵalarǵa koronavırýstyq ınfeksıanyń taralýyna jol bermeýdi tapsyrdy.