Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Ózgeris kóp emes

Qostanaı oblysynyń 19 myń oqýshysy qalypty jaǵdaıda bilim alady. Bul týraly oblys ákiminiń orynbasary Marat Júndibaev «Habar 24» telearnasyndaǵy onlaın-konferensıa barysynda aıtty.

Qostanaı oblysynyń bilim basqarmasy 4-toqsannyń bastalýyna shtattyq rejımde daıyndalýda. Oblysta 498 mektep bolsa, onda 107501 oqýshy bilim alady. Barlyǵy 13087 pedagog jumys isteıdi.

«321 shaǵyn jınaqty aýyldyq mektep sanıtarlyq-epıdemıologıalyq qaýipsizdik sharalaryn kúsheıte otyryp, shtattyq rejımde oqytylady. Munda barlyǵy 18,8 myń oqýshy bar. Maskalyq rejım engizilip, dıspenserdi ornatý jumystary júredi. Qoldy dezınfeksıalaýǵa aıryqsha mán beriledi. Jalpy kontıngenti 88,7 myń oqýshysy bar 177 mektep qashyqtan oqytýǵa kóshedi. Qashyqtan oqıtyn pedagogtar men mektep oqýshylaryn kompúterlik tehnıkamen jáne ınternetke qol jetkizýmen qamtamasyz etý máselesi tolyq kólemde sheshildi. Osy maqsatta 5 myńnan astam kompúter bilim berý uıymdaryna jetkizildi», — dedi aımaq ákiminiń orynbasary Marat Júndibaev.

Aldaǵy ýaqytta mektepterdi qamtamasyz etý úshin 3 myńnan astam kompúter tehnıkasy satyp alynbaq. Jalpy, jaǵdaı oblys ákiminiń baqylaýynda, barlyq jaýapty memlekettik organdar koronavırýstyq ınfeksıanyń taralýyna jol bermeý boıynsha keshendi jumys júrgizýde. Oblysta táýlik boıy tómendegideı telefondar jumys isteıdi:

— 575-060 – Qostanaı oblysynyń ákimdigi;

— 52-64-36, 52-64-38 — 109 biryńǵaı nómiri

— Telegram arnasynda – «Aqparattyq chat».