Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Dıqandarǵa demeý

Qostanaı oblysy ákimdiginde kóktemgi egis jumystaryn júrgizý jáne agroónerkásiptik keshendegi memlekettik qoldaýdyń jańa sharalary jóninde keńes ótti.

Bıyl Qostanaı oblysynda 4, 7 mln ga alqapqa dán sebiledi. Onyń ishinde 3 mln 819 myń ga – dándi jáne dándi-burshaqty daqyldary. 176 myń gektarǵa jemshóp daqyldary egiledi. Ártaraptandyrý kesheni aıasynda maı̆ly daqyldar 700 myń gektarǵa deı̆in ulǵaımaq. Tuqymdar tolyq qamtamasyz etilgen. Oblystyq aýyl sharýashylyǵy jáne jer qatynastary basqarmasynyń málimetinshe, «Agrarlyq nesıe korporasıasy» AQ arqyly oblystyń aýyl sharýashylyǵy qurylymdary kóktemgi egis jumystaryn júrgizýge 19,3 mlrd teńgege qarjylandyrylady.

«Aýyl sharýashylyǵymen aınalysatyn kásipkerlerge kómek kórsetý úshin Memleket basshysy Qasym-Jomart Toqaev 70 mlrd teńge bólýdi tapsyrdy. Eki jarym myńǵa jýyq fermer «Keń dala» baǵdarlamasy boıynsha qoldaýǵa ıe boldy. Aýyl sharýashylyǵy taýaryn óndirýshilerge nesıeler jyldyq 5%-dan beriledi. Oblysta kóktemgi egis jumystaryna 71 myń tonna dızel otyny bólindi. Egis alqabynda sanıtarlyq normalar tolyǵymen saqtalǵan. Sharýa qojalyqtary men qyzmet kórsetý kompanıalary jumysshylaryn jeke qorǵanysh jáne antıseptıkalyq quraldarmen qamtamasyz etýi shart», — deıdi basqarma basshysy Jansultan Táýkenov.

Memleketten berilgen kómekti astyq egetin iri kompanıalar da aldy. Máselen, «Olja Agro» kompanıasy osy jyly 535 myń gektarǵa daqyl egýdi josparlap otyr. Ónim sapasy men kólemin arttyrý maqsatynda byltyr 9 mlrd teńgeden astam somaǵa aýyl sharýashylyǵy tehnıkasyn satyp alǵan.

Oblys ákimi Arhımed Muhambetov 2020 jylǵy egis jumystaryn baqylaýǵa alýdy jáne AÓK memlekettik qoldaýdyń jańa sharalaryn túsindirý boı̆ynsha aýdandarda jumys júrgizýdi tapsyrdy.

15 mamyrdan bastap Qazaqstanda egis jumystarynyń naýqany bastalady. Búgingi tańda Qazaqstannyń ońtústik óńirlerinde jerdiń 70 paıyzyna egis egildi. Úsh astyqty óńir – Aqmola, Qostanaı jáne Soltústik Qazaqstan oblystarynda topyraq quramyndaǵy ylǵaldy jabý jumystary aıaqtaldy, egiske deıingi topyraqty óńdeý júrgizilýde.

Elde bıdaıdyń jazdyq tuqymdaryn jappaı egý naýqany mamyr aıynyń ortasynan bastalmaq. Bul týraly QR Aýyl sharýashylyǵy mınıstriniń birinshi orynbasary Aıdarbek Saparov Qostanaı oblysyna barǵan jumys sapary barysynda habarlady.

A.Saparov Qostanaı oblysy Sarykól aýdanyndaǵy birneshe sharýa qojalyqtary men orta jáne iri agroholdıngterdiń egis alqaptarynda bolyp, egis jumystarynyń barysymen tanysty. Óńir sharýalary jazdyq egisti 4,7 mln gektar jerge egýdi josparlap otyr. Alqaptardyń basym bóligi – 81%-y nemese 3,8 mln gektar jerge – dándi jáne burshaq daqyldary egilmekshi. Ártaraptandyrý sheńberinde bıyl qostanaılyq sharýalar maıly dándi daqyldarynyń egis alqaptaryn 700 myń gektarǵa deıin arttyrady. Bul 2019 jylmen salystyrǵanda 200 myńǵa artyq. Jemshóptik daqyldardyń alqaptary 176 myń gektarǵa deıin azaıtylady (buryn – 237 myń ga). Oblys ákimdiginiń málimetteri boıynsha sharýalar egistikke qajetti tuqymmen tolyqtaı qamtylǵan, 528 myń tonna tuqym daıyn. Aımaqta bolǵan vıse-mınıstr sharýalarmen memlekettik qoldaý, satyp alýlar jáne zamanaýı aýyl sharýashylyǵy tehnıkasyn, sapaly tuqym qoryn paıdalaný syndy birqatar taqyryptardy talqylady.

«Tuqym men tyńaıtqyshtardy qoldaný normalary, baǵalar, sýbsıdıalarǵa qatysty kóptegen suraqtar qoıyldy. Sheshimin tappaı kele jatqan máseleler qarastyrylady. Aldaǵy ýaqytta olqylyqtardyń aldyn alý maqsatynda jumys isteımiz. Sonymen qatar mal sharýashylyǵy, veterınarıa jaıynda máseleler kóterildi, munyń bári kún tártibinde tur», – dedi Aıdarbek Saparov.

Qostanaılyq sharýalar kezdesý nátıjesine kóńilderi tolyp, mınıstrlik tarapynan jasalǵan keri baılanysqa rızashylyqtaryn bildirdi. Sondaı-aq, kásipkerler Memleket basshysyna jáne Úkimetke tótenshe jaǵdaı kezinde kórsetilgen kómekke, atap aıtqanda egin egýdi qarjylandyrýǵa, tuqym, otyn, mıneraldy tyńaıtqyshtar, gerbısıdter men pestısıdter qunyn sýbsıdıalaýǵa 170 mıllıard teńge kóleminde qoldaý kórsetkeni úshin alǵys aıtty.