Qostanaı oblysynyń ákimi Arhımed Muhambetov qurylys alańdaryna bardy, dep habarlaıdy QazAqparat.

Óńir basshysy «Kostanay Plaza» saýda oıyn-saýyq ortalyǵynyń qurylys barysymen tanysty. Qurylys alańynyń kólemi – 68 myń sharshy metr. Qazir munda nysannyń ishki árleý jumystary júrgizilýde.

«Ortalyqta baseın, monsha jáne saýna ashylady. Jobany tamyz aıynda aıaqtaý josparlanýda. Bul jobanyń Qazaqstanda balamasy joq ekenin atap ótkim keledi. Odan ári «Qonaı» shaǵyn aýdanynyń qurylys barysyn tekserdim. Osy shaǵyn aýdanda jalpy aýdany 145,7 myń sharshy metr bolatyn 30 kópqabatty turǵyn úıdiń qurylysy josparlanǵan. Sondaı-aq, jeke turǵyn úı qurylysyna ýchaskeler bólingen. Qazirgi ýaqytta 19 nesıe úıiniń qurylysy júrgizilýde. Komýnaldyq jeliler tartylady»,- dedi Arhımed Muhambetov.

Oblys ákimi qurylysshylarmen kezdesip, beton tasymaldaý máselelerin sheshý barysyn talqylady. Osy maqsatta Qostanaı qalasynda beton zaýytyn ornatýǵa jer ýchaskesi bólinedi. Zaýyt qurylysy aldaǵy jyly bastalmaq. Sapar qorytyndysy boıynsha Arhımed Muhambetov Qostanaı qalasynyń ákimi Qaırat Ahmetovke josparlanǵan jobalardyń iske asyrylýyn baqylaýda ustaýdy tapsyrdy.