Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Қайрат МАИШЕВ, «Жас қанат-2006» ЖШС директоры, мәслихат депутаты: «Мемлекет басшысы артқан сенімді ақтаймыз!»

Қазақстан Республикасының Президенті Қасым-Жомарт Тоқаев еліміздегі Төтенше жағдай бойынша мемлекеттік комиссияның отырысын өткізді. Бұл үндеуінде Мемлекет басшысы Қазақстан халқына сенім артатынын атап өтті.

Президент хабарлағандай, төтенше жағдай режимі аяқталды. Алайда, карантиндік шаралар Қазақстанның қандай да бір аймағындағы жағдайдың жақсаруына қарай жалғастырылады және жеңілдетіледі. Пандемия, ТЖ және карантин бізді көптеген нәрселерге өз көзқарастарын қайта қарауға мәжбүр етті.

Біздің экономикамыздың дамуын қайта қарау қажет. Елдің азық-түлік қауіпсіздігі негізгі болып табылатындығымен толық келісемін. Қиындықтарға қарамастан, ел экономикасының ауыл шаруашылығы секторы тарихи тұрғыдан базалық болып саналды. Бүгінде ауыл шаруашылығы тауарын өндірушілерге барынша қолдау көрсету ешқашан өзекті.

Мемлекет басшысы Қасым-Жомарт Кемелұлы Тоқаев 11 мамырдағы өзінің мәлімдемесінде ел экономикасының дамуына салмақты серпін беру мақсатында бірқатар міндеттерді атап өтті. Оның ішінде, аграрлық секторға, оның бірқатар бағыттарын реформалаудың қажет екеніне ерекше мән берді.

Әрине, Президент атап өткендей, еліміздің аграрийлері алдында үнемі тұратын міндеттердің бірі – азық-түлік қауіпсіздігін қамтамасыз ету.  Мемлекетіміз тауар өндірушілерге, оның ішінде халық тұтынатын, бірінші кезекте қажет ететін өнімдерді өндіруге әрдайым көмек көрсетіп, қолдап отырады. Бүгінде, аграрлық саланың одан әрі кеңінен дамуына мүмкіндіктер беру үшін оны қаржыландырудың қосымша механизмдері көзделіп отыр. Мемлекетіміз жеке қосалқы шаруашылықтарға көңіл бөлгені өте орынды деп есептеймін.

Мемлекет басшысы Қасым-Жомарт Тоқаевтың тапсырмасымен биыл Жұмыспен қамтудың Жол картасына сәйкес инфрақұрылымдық жобаларды жүзеге асыру жоспарланып отыр. Бұл халықты жұмыспен қамтуға, жұмыссыздық деңгейінің өсіп кетпеуін болдырмауға, азаматтардың табысын қамтамасыз ету және өмір сүру деңгейін арттыруға бағытталады.

Жеке бас гигиенасы мен санитарлық-эпидемиологиялық талаптарды сақтау арқылы біз пандемияны жеңетінімізге сенімдімін!

«Тазалық — тән саулығы» деген сөз бар. Сол себепті, достар, өзіміз үшін және жақындарымыздың қауіпсіздігі үшін карантин шараларын сақтаған жөн. Қостанайлықтар үнемі тәртіптілігімен, тазалағымен көпке үлгі болған. Сол абыройымызды сақтап қалайық!