Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jańasha oqý bastalmaq

Oblys ákimdiginde aımaq basshysy Arhımed Muhambetovtiń tóraǵalyǵymen qala jáne aýdan ákimderimen selektorlyq keńes ótti. Jıyn barysynda oblystyq bilim basqarmasynyń basshysy Vasılı Symbalúk baıandama jasap, 2020-2021 oqý jylynyń daıyndyq barysy talqylandy.

–Oblys aýmaǵynda 492 mektep jumys isteıdi. Jańa oqý jylynda oqýshylardyń aldyn-ala kontıngenti 108,4 myń oqýshyny, pedagogtar-13 myń adamdy quraıdy. Qazirgi tańda QR Bilim jáne ǵylym mınıstrliginiń 2020-2021 oqý jylynyń bastalýy týraly buıryǵy áli shyǵarylmaǵan. Alaıda, aǵymdaǵy jyldyń 14 shildesinde Úkimet otyrysy jáne keıingi brıfıń sheńberinde bilim jáne ǵylym mınıstri A. Aımaǵambetov 2020-2021 oqý jylynyń 1 toqsanynda bilim berý prosesin uıymdastyrýdyń negizgi tásilderin belgiledi. Oqý jylyn 1 qyrkúıekte alys aýyl mektepterin qospaǵanda, barlyq mektepterde, ıaǵnı ótken oqý jylynyń tórtinshi toqsanynyń tájirıbesi boıynsha bastaý josparlanyp otyr. Sondaı-aq, QR BǴM bastaýysh synyp oqýshylaryna kezekshi synyptar uıymdastyrýdy usynady (1-5 synyptar). Oblystyń bilim berý salasynyń jańa maýsymnyń bastalýyna daıyndyǵy týraly aıta kele, jazǵy kezeńde 1,4 mlrd teńgege 6 myń kompúter satyp alyndy, bul oblystyń bilim berý uıymdarynyń kompúterlik parkin 50%-ǵa jańartýǵa múmkindik berdi. Sondaı-aq, búgingi tańda oblystyń 492 mektebiniń 480-i joǵary jyldamdyqty ınternetke qosylǵan (4 Mbıt/s) nemese 97,6%. Búginde oblystyq kásipodaq qarajaty esebinen oblys pedagogtaryna noýtbýkter satyp alý máselesi qarastyrylýda, – dedi oblystyq bilim basqarmasynyń basshysy Vasılı Symbalúk.

Sondaı-aq, jıynda energetıka jáne TKSh basqarmasynyń basshysy Dáýren Asqarov kondomınıým obektisin basqarý jáne ortaq múlikti ustaý týraly baıandady.

–Oblysta 229 kondomınıým obektisi bar, olar 1973 kópqabatty turǵyn úıge qyzmet kórsetedi. Sonymen qatar, zańnamada kondomınıýmdi basqarýdyń jańa nysandary múlik ıeleri men jaı seriktestikterdi biriktirý kózdelgen. Búgingi kúni PIK jumysy kondomınıým nysandaryn kútip ustaý jáne qyzmet kórsetý bolyp tabylady. Olardyń turǵyndary basqarý organynyń qyzmetin tóleıdi. Kondomınıým obektisin basqarý organdarynyń basym bóligi birneshe ondaǵan úıge qyzmet kórsetedi. Bul rette osy úılerdi kútip ustaýǵa tek bir shot ashady. Bul páter ıelerine salynatyn qarajattyń maqsatty paıdalanylýyn baqylaýǵa múmkindik bermeıdi. Osynyń bári birtindep turǵyndardyń turǵyn úı qory jaǵdaıynyń nasharlaýyna narazylyǵyn týdyrady, – dedi Dáýren Asqarov.

Keńes qorytyndysy boıynsha oblys ákimi qala jáne aýdan ákimderine jańa oqý jylyna daıyndyqty sapaly júrgizýdi tapsyrdy. Sondaı-aq, TKSh máseleleri boıynsha zańnamaǵa engizilgen ózgeristerdi túsindirý jumystaryn júrgizý qajet ekenin aıtty.