Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Dárigerlerge ótemaqy tólendi

Qostanaı oblysynda koronavırýs ınfeksıasyna qarsy kúrestiń aldyńǵy shebinde júrgen dárigerlerge ótemaqy tólený jalǵasyp jatyr, dep habarlaıdy oblys ákiminiń baspasóz qyzmeti.

Qostanaı oblysynda 527 medısına qyzmetkeri, onyń ishinde 117 dáriger men 410 medbıke koronavırýs ınfeksıasyna qarsy kúres sharasynyń bel ortasynda júr. Birneshe aı aýrýhanadan shyqpaı, indetpen kúresip jatqan dárigerlerge memleket tarapynan kórsetilip jatqan materıaldyq qoldaý da qomaqty. Osy ýaqytqa deıin indetke qarsy emdeý sharalaryn júrgizgen 3 500-ge jýyq medısına qyzmetkerine jalpy kólemi 615,7 mln teńge ótemaqy tólengen.

Jalpy, oblys aýmaǵyndaǵy sanıtarlyq-dezınfeksıalyq rejımniń saqtalýyn ákimdikter men «Atameken» UKP, Taýarlar jáne kórsetiletin qyzmetterdiń sapasy men qaýipsizdigin baqylaý organdarynyń ókilderinen, sondaı-aq jergilikti polısıa qyzmetkerlerinen qurylǵan 40 monıtorıń toby baqylap keledi. Arnaıy top búginge deıin 4 myńnan astam reıd júrgizip, jalpy sany 1 670 shaǵyn azyq-túlik dúkeni men iri saýda ortalyǵyn teksergen.

Karantın kezinde monıtorıń toby júrgizgen tekserý sharasynyń nátıjesinde 342 tártip buzýshylyq anyqtalyp, 20 bıznes nysannyń qyzmeti toqtatyldy. Sondaı-aq 125 ákimshilik hattama toltyrylyp, sotqa jiberildi.