Óńirlik komýnıkasıalar qyzmetinde Qostanaı oblysyndaǵy arnaýly áleýmettik qyzmetter kórsetetin uıymdardyń qyzmeti jáne stasıonarlyq medısınalyq-áleýmettik mekemelerdegi sanıtarlyq-epıdemıologıalyq jaǵdaı týraly onlaın formatta brıfıń ótti.
Oǵan Qostanaı oblysy ákimdiginiń jumyspen qamtýdy úılestirý jáne áleýmettik baǵdarlamalardy úılestirý basqarmasy áleýmettik mekemelerdiń qyzmetin úılestirý bóliminiń basshysy Maıdashash Jumaǵalı, Qostanaı oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álıa Mekebaeva men Eńbek, áleýmettik qorǵaý jáne kóshi-qon komıtetiniń Qostanaı oblysy boıynsha departamentiniń halyqty áleýmettik qorǵaý salasyndaǵy baqylaý bóliminiń basshysy Ásıa Doshanova qatysty.
Qostanaı oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álıa Mekebaevanyń aıtýynsha, búginde oblysta arnaýly áleýmettik qyzmet kórsetetin stasıonarlyq úlgidegi 11 medısınalyq-áleýmettik mekeme, 2 ońaltý ortalyǵy, 5 kúndizgi bolý bólimshesi, úıde áleýmettik kómek kórsetetin 18 bólimshe men ómirdiń qıyn jaǵdaıyndaǵy adamdardy qaıta áleýmettendirýge arnalǵan 3 ortalyq, 2 aýmaqtyq halyqqa áleýmettik qyzmet kórsetý ortalyǵy jáne 15 úkimettik emes uıym jumys isteıdi. Aǵymdaǵy jyldyń birinshi jartyjyldyǵynda osy uıymdar men mekemelerdiń qyzmetimen 7870 adam qamtylǵan.
– Búgingi kúni qyzmetter 1883 adamdy qamtıtyn 11 ınternat úıinde kórsetiledi. Múgedekterge arnalǵan eki ońaltý ortalyǵy 1 jáne 2 toptaǵy múgedekterge saýyqtyrý jáne áleýmettik-ońaltý is-sharalaryn usyný arqyly jan-jaqty kómek kórsetedi. Jyl saıyn ol jerde 1,7 myńnan astam adam qyzmet alady. Alaıda, qazirgi tańda pandemıaǵa baılanysty ońaltý ortalyqtary provızorlyq stasıonarlar retinde densaýlyq saqtaý salasyna berilýine baılanysty, oblystaǵy epıdemıologıalyq jaǵdaı turaqtanǵanǵa deıin osy ortalyqtardyń qyzmeti ýaqytsha toqtatyldy. Belgili turaǵy joq adamdarǵa arnalǵan 3 áleýmettik beıimdeý ortalyǵynda jáne 3 túngi bolý bólimshesinde aǵymdaǵy jyldyń birinshi jartyjyldyǵynda 2130 adamǵa qyzmet kórsetildi. Úıde qyzmet kórsetýge muqtaj adamdardyń kóbine — 3 myńnan astam adam jyl saıyn eki aýmaqtyq ortalyq jáne 18 áleýmettik qyzmet kórsetý bólimshesi qyzmet kórsetedi. Qyzmet kórsetýdiń balamaly nysandarynyń biri — 267 qyzmet alýshyny qamtyp otyr. Úıde áleýmettik kómek kórsetý bólimshelerinde qarjylandyrý kólemi 989,5 mln teńge somasynda qarastyrylǵan. Bul ótken jylmen salystyrǵanda 62 %-ǵa artyq. Sondaı-aq, Arqalyq, Lısakov, Rýdnyı qalalary men Jitiqara aýdanynyń jumyspen qamtý jáne áleýmettik baǵdarlamalar bólimderi bazasynda psıhonevrologıalyq aýytqýlary bar múgedekterge arnalǵan kúndizgi bolý bólimshelerinde qarjylandyrý kólemi jergilikti búdjet qarajaty esebinen 163,1 mln teńge somasynda qarastyryldy, – dedi Álıa Mekebaeva.
Sonymen qatar 13 medısınalyq-áleýmettik mekemeniń 11-i ortalyqtandyrylǵan jylýmen qamtamasyz etilip, 2 mekeme qatty otynmen jylytylatyn bolady. Qazirgi tańda bul mekemeler qajetti qatty otynmen qamtamasyz etilgen. Eńbek, áleýmettik qorǵaý jáne kóshi-qon komıtetiniń Qostanaı oblysy boıynsha departamentiniń halyqty áleýmettik qorǵaý salasyndaǵy baqylaý bóliminiń basshysy Ásıa Doshanovanyń sózinshe, elimizde 931 uıym arnaıy áleýmettik qyzmetter kórsetedi. Onyń ishinde 165-i memlekettik aýrýhanalar.
Al Qostanaı oblysy boıynsha stasıonar jaǵdaıynda AÁQ kórsetetin 11 medısınalyq-áleýmettik mekeme jumys isteıdi. Departament osy mekemelermen júıeli túrde profılaktıkalyq baqylaý júrgizedi.
