Qostanaı qalasy ákimdigi «Jomart júrek» syılyǵynyń 2020 jylǵy laýreattaryn marapattaý rásimin ótkizdi. Bul týraly Qostanaı qalasy ákimdiginiń ishki saıasat bólimi habarlady. «Jomart júrek» syılyǵy — «Rýhanı jańǵyrý» baǵdarlamasynyń «Atameken» kishi baǵdarlamasy sheńberinde uıymdastyrylyp otyrǵan biregeı joba. Atalǵan syılyq týǵan ólkeniń damýyna eleýli úles qosqan mesenattarǵa, belsendi tulǵalarǵa, bıznes-qurylym ókilderine, eriktiler men túrli uıymdarǵa tabystalady.
Sonymen, Qostanaı qalasyndaǵy iri áleýmettik jobalardy iske asyrǵany jáne qaıtarymsyz kómek kórsetkeni úshin «Jyl mesenaty» nomınasıasynda Talǵat Eshanov marapattaldy.
Al belsendi azamattyq ustanymy jáne qaıyrymdylyq qyzmetti júzege asyrǵany úshin «Jyl tulǵasy» nomınasıasynda Rımma Bekturǵanova jeńimpaz atandy. «Úzdik uıym» nomınasıasyna «FortýnaMed» JShS dırektory Aleksandr Maskevıch ozyq shyqsa, «Eren eriktilik» atalymynyń júldesin Baýyrjan Júsipov ıelendi. Qazylar alqasy «Týǵan ólke» nomınasıasyna Elena Andreevany laıyq dep tanydy. Barlyq marapat ıelerine alǵys hattar jáne statýetkalar tabys etildi.
«Elbasymyz óziniń baǵdarlamalyq maqalasyndaǵy «Týǵan jer» jobasynda isker azamattardy týǵan ólkeni túletip, aýyl turmysyn jaqsartýǵa atsalysýǵa shaqyrǵan bolatyn. Kez kelgen adamnyń týǵan jerine degen patrıottyq sezimin oıatqan qundy jobanyń nátıjesin búginde el kórip otyr. Osy joba aıasynda týyp-ósken aýylynda iri áleýmettik jobalardy iske asyryp, kópbalaly otbasylar men ata-ananyń qaraýynsyz qalǵan jetim balalarǵa kómek qolyn sozyp, qaıyrymdylyq jasap júrgen jandar az emes. Búgingi marapat ıeleri de oblysqa eńbegi sińgen tulǵalar», — dep atap ótti Qostanaı qalasy ákimdiginiń ishki saıasat bólimindegiler.
Naýyrzym aýdanynda “Jomart júrek” syılyǵynyń laýreattary marapattaldy. Elbasy Nursultan Ábishuly Nazarbaevtyń «Rýhanı jańǵyrý: bolashaqqa baǵdar» atty maqalasyndaǵy bolashaqqa kózqarasy óziniń tereńdigimen árqaısymyzǵa oı salyp, rýhanı bolashaqtyń qalyptasýyna, qoǵamdyq sanany jańǵyrtýǵa bir kisideı at salysýǵa mindettedi.
Patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady. Týǵan jerge qyzmet etý, patrıot bolý ár qazaqtyń mindeti. Osyǵan baılanysty týǵan jerge degen patrıotızm men súıispenshilikti qalyptastyrý, belgili bir jetistikterge jetken Naýyrzym eliniń týmalaryn týǵan ólkesiniń áleýmettik-ekonomıkalyq damýyna tartý, jastarǵa eline qyzmet jasaǵan, áli de jasap júrgen azamattarymyzdy úlgi retinde tanystyrý, patrıottyq tárbıe berý, urpaq sabaqtastyǵyn jalǵastyrý maqsatynda laýreattardy aýdan ákimi Talǵat Karbozov quttyqtap, marapat ıelerine dıplom men estelik “Jomart júrek” statýetkasyn tabystady.
Laýrettardyń qatarynda Naýyrzym aýdany Qoja aýylynyń turǵyny, «Alımgazıev A» sharýa qojalyǵynyń basshysy Álimǵazıev Aqylbek bar. 1994 jyldan qurylyp, qazirgi ýaqytqa deıin jemisti eńbek etip keledi. Álimǵazıev Aqylbek aýdannyń áleýmettik-ekonomıkalyq damýyna barynsha úles qosýda jáne aldyńǵy qatarly úzidk sharýashylyqtardyń biri. Sońǵy jyldary Naýyrzym orta mektebine qazandyqty aýystyrý (2008 jyl), aýyldyq mádenıet úıin qaıta qurý (2005 jyl), mýzykalyq aparatýra satyp alý (2010 jyl), kirý jolyn jóndeý (2018 jyl), ózge de is-sharalarǵa demeýshilik etip keledi. Turaqty negizde sharýashylyqqa tirkelgen zeınetkerlerdi tegin kómirmen jáne otynmen qamtamasyz etedi. Bıyl óz aýylynda jas mamandarǵa arnalǵan otbasylyq jataqhana salynýda. Qurylys somasy 40 mln. teńgeni quraıdy. Sonymen qatar «Kenesary 2012» JShS 2019 jyldan bastap Naýyrzym jerinde jylqy sharýashylyǵymen aınalysa bastady. Óz isterin bastaǵan jyldan bastap Qarameńdi aýylynyń turǵyndaryna bir talaı kómekteri tıdi. Ótken jyly Qarameńdi aýylynyń 22 kópbalaly jáne az qamtylǵan otbasylaryna azyq-túlikpen kómek kórsetse, bıyl Naýryz meıramy qarsańynda árqaısysyna 15 myń kóleminde 39 otbasyǵa azyq-túlik qorjyndaryn tabys etken bolatyn. Atlmysh sharýashylyqtyń atynan Muratbek Qarymsaqov marapatqa ıe boldy
