Óńirlik komýnıkasıalar qyzmetinde Qamysty aýdanynyń ákimi Ǵazız Bekmuhamedov «Qamysty aýdanynyń 2020 jyldyń birinshi jarty jyldyǵyndaǵy áleýmettik-ekonomıkalyq damý qorytyndylary» taqyrybynda baspasóz máslıhatyn ótkizip, jýrnalıster suraǵyna jaýap berdi.

Aýdan basshysy óz sózinde óńirdiń ekonomıkalyq damýynda oń kórsetkishter baıqalyp otyrǵanyn aıtty. Óńirdiń aýyl sharýashylyǵynyń jalpy ónimi jarty jylda 2,9 mlrd. teńgeni quraǵan eken. Ónerkásip ónimniń kólemi 753 mln teńge bolyp, ósim ótken jylmen salystyrǵanda 73,4% qurap otyr. Mal men qus etin óndirý 2,9%-ǵa (nemese 62 tonnaǵa), sharýashylyqtardyń barlyq sanattarynda sút óndirisi 0,4%-ǵa azaıyp, 7332 tonnany qurady, jumyrtqa óndirisi 0,1%-ǵa ósti. Jalpy aýdan boıynsha sıyr sany 3,5%-ǵa, jylqy 7%-ǵa, qus 0,5%-ǵa ósti, eshki 3,4-ǵa, túıe 10,5%. İri qara mal basy 3,4%-ǵa azaıdy, Altynsarın JShS boıynsha óndiristik sektorda mal bordaqylaý alańynyń bolmaýyna baılanysty tómendegen.

Aýyl sharýashylyǵy alqaptarynyń jalpy aýdany 681,0 myń ga quraıdy, onyń ishinde egistik 420,2 myń ga aǵymdaǵy jyly 315,1 myń ga alqapta egis egildi. Ótken jyldyń deńgeıimen salystyrǵanda dándi jáne dándi-burshaqty daqyldardyń egis alańy 14 myń gektarǵa azaıyp, 287 myń gektardy qurady. Aǵymdaǵy jyly ótken jylmen salystyrǵanda tary, qumaı, burshaq, burshaq egilmegen. Maıly daqyldar 6,0 myń gektarǵa, azyqtyq daqyldar 1,8 myń gektarǵa kóp egildi. Bir jarym jyldyq azyq qoryn (52,6 myń tonna) daıyndaý josparlanýda. 1 shildege 17 myń tonna nemese 30% astam shóp daıyndaldy.

Aýdannyń jalpy jyldyq búdjeti 5 mlrd. 886,2 mln. teńgeni quraıdy. Indýstrıalandyrý kartasy boıynsha Arqa aýylynda 1000 basqa arnalǵan sút-taýar fermasyn jańǵyrtý jobasy iske asyrý jalǵasýda. Bul jobaǵa quıylǵan qarajat 608,7 teńgeni quraıdy, jańadan 49 adam jumys tapty. – «Jaıylymdardy sýlandyrý» baǵdarlamasy boıynsha 1 uńǵyma qoıyldy. Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasynyń birinshi baǵyt «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqytýmen qamtamasyz etý» boıynsha 2020 jyly suranysqa ıe mamandyqtar boıynsha qysqa merzimdi kásiptik oqytýǵa 31 adamdy jiberý josparlanyp otyr.

Bıyl 1 maýsymynan bastap 8 jumyssyz azamat Jitiqara aýdanyna alty túrli mamandyq boıynsha qysqa merzimdi oqýǵa jiberildi (aspaz, naýbaıshy, tiginshi, gaz-elektr dánekerleýshi, traktorıst-mashınıst, gaz jabdyǵyn paıdalaný jáne jóndeý slesari). Ekinshi baǵyt «Jappaı kásipkerlikti damytý». Jospar boıynsha «Aýyl sharýashylyǵyn qarjylaı qoldaý qory» AQ arqyly 36 mln 165 myń teńge, «Agrarlyq nesıe korporasıasy» AQ 21 mln teńge qarjy bólindi, — deıdi aýdan ákimi.