Denısov aýdanynyń áleýmettik-ekonomıkalyq damýy úlken qarqyn alyp keledi. Bul jaıly aýdan ákimi Baqyt Nurǵalıev óńirlik komýnıkasıalar qyzmetinde ótken onlaın-brıfıngte málim etti. Aýdan ákiminiń aıtýynsha, barlyq kórsetkishter boıynsha ilgerleý bar.

-Aýyl sharýashylyǵy salasynda jalpy óniminiń naqty ındeksi 100,6% qurady. Qazirgi ýaqytta aýdan sharýalary dándi daqyldardy jınaýǵa kiristi. Aýdanda osy naýqandy ótkizý úshin barlyq qajetti resýrstar jetkilikti. 1 mıllıard 205 mıllıon teńgeniń ónerkásip ónimi óndirildi, bul oblystyq óndiristiń 0,2% quraıdy. Jyl basynda aýdan ekonomıkasyna 3 mıllıard 203 mıllıon teńge ınvestısıa salyndy, bul ótken jylmen salystyrǵanda 264 mıllıon teńgege artyq. Oryndalǵan qurylys jumystarynyń kólemi 1 mıllıard 908 mıllıon teńge. 1215 sharshy metr turǵyn úı paıdalanýǵa berildi, bul ótken jylmen salystyrǵanda 2,4 ese kóp. «Jumyspen qamtýdyń 2020-2021 jyldarǵa arnalǵan Jol kartasyn» iske asyrý sheńberinde Patrıs Lýmýmba kóshesindegi ǵımaratty turǵyn úıge etip salýǵa 101 mıllıon teńge kóleminde qarajat bólindi, — dedi B.Nurǵalıev.

Aýdanda bıznesti damytýdy qoldaýǵa arnalǵan jumystar júrgizilip jatyr. «Qarapaıym zattar ekonomıkasy» salalaryn jeńildikpen nesıeleý baǵdarlamasy boıynsha Agrarlyq nesıe korporasıasy 973 mıllıon teńge somasyna 6 jobany, bıznestiń jol kartasy boıynsha kepildendirý jáne sýbsıdıalaý boıynsha 4 joba maquldanypty.

-COVID-19 pandemıasy kezeńinde halyqty qoldaý boıynsha sharalar qabyldanýda. «VIZBIRGEMIZ» qorynan aýdannyń 482 turǵynyna, zeınetkerlerge (eń tómengi zeınetaqy alatyn nemese odan tómen), az qamtylǵan azamattarǵa 50 myń teńgeden tólendi. Sonymen qatar, tótenshe jaǵdaı kezinde jumysynan aırylǵan aýdannyń 4381 azamaty 42500 teńgeden áleýmettik tólemder aldy, — deıdi aýdan ákimi.

Aýdan basshysynyń aıtýynsha, jumyspen qamtý men kásipkerlikti damytýǵa baǵyttalǵan «Eńbek» baǵdarlamasy boıynsha qyrkúıek aıynan bastap 29 adamdy kásibı daıyndyqqa jiberý josparlanǵan. Jańa bıznes ıdeıalardy iske asyrý úshin 2 mıllıon 120 myń teńgege deıin 4 adam memlekettik granttardy utypty. Áleýmettik jumys oryndaryna 3 adam jumysqa ornalastyrylyp, jastar tájirıbesine 18 adam jiberilgen. Jumyspen qamtý ortalyǵyna ótinish bildirgen 409 adamnyń 369-y jumysqa ornalasqan.

-Jumyspen qamtýdyń jol kartasy baǵdarlamasy boıynsha 74 adam jumysqa ornalastyryldy, 82 adam qoǵamdyq jumystarǵa jiberildi. Jumyssyzdyq deńgeıi 1% qurady. Barlyq menshik nysanyndaǵy kásiporyndarda 397 jańa jumys orny ashyldy. Jyl basynan beri áleýmettik ońaltýdyń túrli túrlerimen 31 múgedek qamtyldy, — deıdi B.Nurǵalıev.

Denısov aýdanynda tyndyrylyp jatqan jumystar aýqymdy. Bıyl aýdandyq mańyzy bar joldardy kútip ustaýǵa 20 mıllıon teńge bólinip, onyń 65% ıgerilgen. Aǵymdaǵy jyly «Denısovka-Zaaıatskoe» stansıasy avtojolyna 469 mıllıon teńge somasyna ortasha jóndeý júrgizilýde. «Aýyl – el besigi» arnaıy jobasy aıasynda Denısov jáne Antonov aýyldarynyń kóshelerin ortasha jóndeýge respýblıkalyq jáne oblystyq búdjetten 489 mıllıon 876 myń teńge bólinipti.