Muǵalimderdiń kásibı mekeresi qarsańynda oblys ákimi Arhımed Muhambetov ustazdar qaýymyn quttyqtap, bilim berý salasyna uzaq jyl ter tógip, tabandy eńbek etip kele jatqan muǵalimderdi marapattady.

Merekelik shara oblys ákimdiginiń májilis zalynda ótti. Jıyn barysynda tórt muǵalim Qazaqstan Respýblıkasy bilim berý isiniń qurmetti qyzmetkeri atansa, eki ustaz Y.Altynsarın tósbelgisin taqty. 120 muǵalim Bilim jáne ǵylym mınıstrliginiń gramotalary men alǵys hattaryna ıe bolyp, 153 muǵalimge qoshemet kórsetilip, oblystyq bilim basqarmasynyń marapattary tabys etildi.

«Oblystyń bilim salasynda 20 myńnan astam muǵalim eńbek etedi. Bıyl bilim berý salasy 417 jas mamanmen tolyǵyp otyr. Olardyń kóbi búginde aýyl mektepterinde eńbek etip jatyr. Bıyl oblysta «Pedagog mártebesi týraly» zań talaptaryn júzege asyrýǵa 14,1 mlrd teńge qarastyrylyp otyr. Qomaqty qarjynyń basym bóligi muǵalimderdiń jalaqysyn kóterýge jumsalady. Bıyl qańtardan bastap muǵalimderdiń aılyq tabysy 25%-ǵa ósti», — degen oblys ákimi muǵalimderdiń aılyq jalaqysy aldaǵy jyly taǵy da 25%-ǵa ósetinin aıtty.

Búginde aımaq muǵalimderiniń ortasha jalaqysy 200 myń teńgeniń mańaıynda.

Jıyn barysynda «Úzdik pedagog» respýblıkalyq baıqaýynyń oblystyq kezeńnde úzdik shyqqan 6 muǵalim marapattaldy. Aımaq basshysy jeńimpazdardyń qolyna 833 myń 400 teńgeniń sertıfıkattaryn ustatty.

Merekelik sharanyń sońy onlaın jıynǵa ulasty. QR Bilim jáne ǵylym mınıstri Ashat Aımaǵambetov óńirlermen tikeleı baılanysqa shyǵyp, «Úzdik pedagog» respýblıkalyq baıqaýynyń jeńimpazdaryn quttyqtady. Oblystyq kezeńde ozyp shyqqan alty jeńimpazdyń tórteýi respýblıka úzdikteriniń qatarynan kórindi. Jeńimpazdarǵa taǵaıyndalǵan 2 mln 778 myń teńgelik syıaqyny oblys ákiminiń orynbasary Baqyt Esimova tabys etti.