Qostanaı oblysynyń ákimi Arhımed Muhambetov Rýdnyı qalasy men Beıimbet Maılın atyndaǵy aýdannyń ákimderin taǵaıyndady. Bul týraly Qostanaı oblysy ákiminiń baspasóz qyzmeti habarlady.

Rýdnyı qalalyq máslıhatynyń depýtattarymen kelise otyryp, Rýdnyı qalasynyń jańa ákimi Qýandyq Ispergenovty taǵaıyndady.

Qýandyq Haıdaruly Ispergenov 1970 jyly 8 shildede Qostanaı oblysy Jitiqara aýdany Aqqaraǵa aýylynda dúnıege kelgen. Eki joǵary bilimi bar. Rýdnyı ındýstrıaldyq ınstıtýtyn «ınjener-qurylysshy» mamandyǵy boıynsha jáne Qostanaı áleýmettik akademıasyn «Zańger» mamandyǵy boıynsha bitirgen. Buǵan deıin ol Beıimbet Maılın aýdanynyń ákimi qyzmetin atqarǵan.

Al, Beıimbet Maılın aýdandyq máslıhat depýtattarymen kelise otyryp, Qostanaı oblysy ákiminiń ókimimen Beıimbet Malın aýdanynyń ákimi laýazymyna Qaısar Batyrhanuly Murjaqypov taǵaıyndaldy. Ony búgin aýdan aktıviniń jınalysynda oblys ákimi Arhımed Muhambetov tanystyrdy.​

Qaısar Murjaqypov 1985 jyly 3 maýsymda Qostanaı oblysy Qostanaı aýdany Altyn Dala aýylynda dúnıege kelgen. Eki joǵary bilimi bar. Ahmet Baıtýrsynov atyndaǵy Qostanaı memlekettik ýnıversıtetin «Ekonomıka» jáne «quqyq» mamandyqtary boıynsha bitirgen.
Buryn Qostanaı oblysy Lısakov qalasy ákiminiń orynbasary laýazymyn atqarǵan.