Qostanaı oblysynda shekteý sharalary qaıta engiziledi, dep habarlaıdy oblysy ákiminiń baspasóz qyzmeti. Búgin Qostanaı oblysynyń ákimi Arhımed Muhambetov koronavırýstyq ınfeksıanyń taralýyna jol bermeý boıynsha jedel shtabty jınady.

Otyrys barysynda karantındik sharalardy kúsheıtý týraly sheshim qabyldandy. Sonymen aldaǵy kúnderden bastap mynadaı shekteýler engizildi:

1. Kúndelikti shekteýler:

— qoǵamdyq tamaqtaný obektileriniń jumys rejımin saǵat 23.00 deıin qysqartý, 30 orynnan artyq adam qabyldamaý;

— daladaǵy atraksıondardyń jumysyn toqtatý;

2. Demalys kúnderindegi shekteýler:

— qoǵamdyq kólik qozǵalysyna tyıym salý;

— aýdany 2000 sharshy metrden astam saýda obektileriniń, azyq-túlik sýpermarketteri men olardaǵy dárihanalardy qospaǵanda, saýda, oıyn-saýyq ortalyqtarynyń jumysyn toqtatý;

— azyq-túlik emes jáne jabyq azyq-túlik bazarlarynyń jumysyn toqtata turý;

— azyq-túlik emes taýarlardyń bólshek saýda obektileriniń jumys rejımin saǵat 10:00-den 20:00-ge deıin shekteý;

— fıtnes-ortalyqtar men sporttyq-saýyqtyrý ortalyqtarynyń jumysyn toqtatý;

— qoǵamdyq monshalardyń, saýnalardyń jumysyn toqtata turý; Bul shekteýler 20 qazan kúni saǵat 00.00-den bastap kúshine enedi.

Aıta keteıik, búgingi tańda Qostanaı oblysynda koronavırýs ınfeksıa boıynsha epıdemıologıalyq jaǵdaı turaqty.