QR Eńbek jáne halyqty áleýmettik qorǵaý mınıstrliginiń Eńbek, áleýmettik qorǵaý jáne kóshi-qon komıteti tóraǵasynyń orynbasary Tólegen Ospanqulov Qostanaı oblysynyń birqatar kásiporyndaryn aralady, sondaı-aq jumys berýshilermen óndiristik jaraqattaný máseleleri jóninde keńes ótkizdi.
İs-sharaǵa oblys ákiminiń orynbasary Erlan Qoıshybaev, oblystyq eńbek ınspeksıasy basqarmasynyń basshysy Erjan Toqtaǵulov, sondaı-aq óńirdiń ónerkásiptik kásiporyndarynyń basshylary qatysty.
QR Bas memlekettik eńbek ınspektory óz sózinde Qostanaı oblysynda eńbek qaýipsizdigi jáne eńbekti qorǵaý boıynsha halyqaralyq jáne ulttyq standarttardy 201 kásiporyn engizgenin atap ótti. Óńirdiń 837 kásipornynda eńbek qaýipsizdigi jáne eńbekti qorǵaý jónindegi óndiristik keńester quryldy, olar kásiporyndarda óndiristik jaraqattaný men kásiptik aýrýlardyń aldyn alý boıynsha jumysty júrgizedi. Bul rette oblysta óndiristik obektilerdi atestattaý boıynsha jumys nashar júrgizilýde.
«Jumys oryndaryndaǵy eńbek jaǵdaılarynyń naqty jaı-kúıin baǵalaý jáne olar boıynsha eńbekti qorǵaý jónindegi sharalar keshenin júrgizý maqsatynda óndiristik obektilerdi atestattaý júrgiziledi. Aǵymdaǵy jyldyń 9 aıynyń qorytyndysy boıynsha elimiz boıynsha 2489 óndiristik nysan atestattaldy. Qostanaı oblysynda bul jumys óte nashar júrgizilýde, attestasıa tek 8 kásiporynda júrgizilgen», – dep atap ótti Tólegen Ospanqulov.
QR Eńbekmıni Eńbek, áleýmettik qorǵaý jáne kóshi-qon komıteti tóraǵasynyń orynbasary Qostanaı oblysynda aǵymdaǵy jyldyń 9 aıynda óndiristik jaraqattanýdan zardap shegýdiń 99 jaǵdaıynyń oryn alǵanyn, 2019 jyldyń uqsas kezeńindegi 67-ge qaraǵanda biraz óskenin eske saldy.
Sonymen qatar, Tólegen Ospanqulov zıandy eńbek jaǵdaılarynda jumys isteıtinderdiń sanyn azaıtý qajettigine nazar aýdardy.
«Qostanaı oblysynda zıandy eńbek jaǵdaıynda 16 myń adam jumys isteıdi. El boıynsha ótken jyly 676 myń jumysker jalpy somasy 128,5 mlrd. teńgege túrli ótemaqy aldy, bul 2018 jylmen salystyrǵanda 10%-ǵa artyq. Iaǵnı, kórsetilgen kezeńde zıandy eńbek jaǵdaılarynda jumys isteıtinderdiń sany azaımaǵan.
Eńbek gıgıenasy jáne kásiptik aýrýlar ulttyq ortalyǵynyń statıstıkasyna sáıkes jyl saıyn 400-ge jýyq jumyskerde alǵash ret kásiptik aýrýlar anyqtalady. Sondyqtan jumys berýshilerge zıandy óndiristik faktorlardyń áserinen bolatyn syrqattanýshylyqtyń sebepterin joıýǵa baǵyttaýy qajet», – dedi ol.
İs-shara
sońynda QR Bas memlekettik eńbek ınspektory jumys berýshilerge Qostanaı
oblysynyń Eńbek ınspeksıasy jónindegi basqarmasymen birlesip, kásiporyndarda
salamatty jáne qaýipsiz eńbek jaǵdaılaryn qamtamasyz etý boıynsha jumysty
kúsheıtýdi usyndy.
Máselen, jyl sońyna deıin óńirde 2019-2023 jyldarǵa arnalǵan óndiristik
jaraqattanýdy jáne eńbek jaǵdaılary zıandy jumys oryndaryn azaıtý jónindegi jol
kartasyn oryndaý boıynsha jumysty kúsheıtý, jumysta jazataıym oqıǵalar oryn
alǵan árbir kásiporynda eńbek jaǵdaılaryn jaqsartý jáne óndiristik
jaraqattanýdy azaıtý jónindegi is-sharalar josparyn ázirleý jáne bekitý qajet.
Sonymen qatar, Tólegen Ospanqulov óndiristik kásiporyndarda kásiptik qaterlerdi turaqty baǵalaýdy júrgizýdi jáne olardy barynsha azaıtý boıynsha sharalar qabyldaýdy, sondaı-aq óńir kásiporyndarynda eńbekti qorǵaýdy basqarý júıesin engizýdi, qurylys obektilerinde tapsyrys berýshiden merdigerge deıin satyly baqylaýdy, qaýipsiz eńbek jaǵdaılaryn qamtamasyz etýdi, sondaı-aq «Halyqtyq baqylaý» jobasyn jandandyrýdy tapsyrdy.
Sondaı-aq, QR Eńbekmıni Eńbek, áleýmettik qorǵaý jáne kóshi-qon komıteti tóraǵasynyń orynbasary «Vizion Zero» — nóldik jaraqattaný halyqaralyq áleýmettik qamsyzdandyrý qaýymdastyǵynyń tujyrymdamasyn ilgeriletýdiń mańyzdylyǵyn eske saldy.
