Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jol sapasy jaqsaryp keledi

Alık Shpekbaev Qostanaı oblysynda jol jóndeý sapasyn tekserdi. Ár óńir ınfraqurylymynyń mańyzdy elementteriniń biri, sondaı-aq azamattardyń jergilikti bılik oryndarynyń jumys deńgeıine qanaǵattanýynyń ındıkatory – sapaly joldar.

Sapar aıasynda Sybaılas jemqorlyqqa qarsy is-qımyl agenttiginiń tóraǵasy Alık Shpekbaev «Qostanaı-Qarabutaq» avtojolyn qaıta jańartý jumystarynyń barysymen tanysty. «Jol aktıvteriniń ulttyq sapa ortalyǵynyń» arnaıy zerthanasymen birlesip monıtorıńke qoǵam, memlekettik organdar men BAQ ókilderi qatysty.

Joba boıynsha 112 km jańa tósem salý kózdelgen. «Qazavtojol» AQ ókildiginiń aıtýynsha, atalǵan joldy qaıta jóndeýge 7,9 mlrd teńgeden astam qarajat bólingen. Sarapshylar zerthana iriktep alǵan materıaldardy taldap, baǵalaıdy. Jobany aıaqtaý merzimi – 2021 jyldyń qyrkúıegi.

Esterińizge sala keteıik, bıyl oblystyq Sybaılas jemqorlyqqa qarsy qyzmet «Jol aktıvteriniń ulttyq sapa ortalyǵy» janyndaǵy «Adaldyq Alańy – Sapaly Jol» jobasy aıasynda qoǵam belsendilerimen birlesip jol qurylysyna 40-tan astam monıtorıń júrgizdi. Onyń qorytyndysy boıynsha shala jasalǵan olqylyqtar men buzýshylyqtardy joıý boıynsha usynymdar engizildi. Osylaısha, qol jetkizilgen aldyn alý áseri 136 mln teńgege teń.

Atap aıtqanda, 2 qarashada baqylaýshylar toby respýblıkalyq mańyzy bar M-36 «Ekaterınbýrg-Almaty» jolynyń 635-685 km qashyqtyqtaǵy ortasha jóndeý jumystaryn tekserip, anyqtalǵan sáıkessizdikterge baılanysty merdiger uıymnyń jumystaryn qabyldaýdan bas tartty.