Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Karantın kúsheıtildi

Koronovırýs ınfeksıasymen kúres jónindegi oblystyq jedel shtab bir aptaǵa Qostanaı jáne Rýdnyı qalalaryna kirip-shyǵýǵa tyıym saldy, dep habarlaıdy oblys ákiminiń baspasóz qyzmeti.

«Osy qaýlyda kórsetilgen adamdardan basqa azamattardyń Qostanaı jáne Rýdnyı qalasynyń aýmaǵyna kirýine/shyǵýyna tyıym salynsyn. Bul rette, oblys turǵyndarynyń bir aýdannan/qaladan ekinshi aýdanǵa kedergisiz júrip-turýyna ruqsat etiledi. Jol paraqtaryn, jumys júktemesi, tapsyrma-josparlardy, taýar júkqujattaryn, issapar qujattaryn, medısınalyq mekemelerdiń joldamalaryn, jeke kýáligin kórsetken kezde sanıtarıalyq beketter arqyly kedergisiz kirýge/shyǵýǵa bolady», delingen Oblystyq jedel shtabtyń qaýlysynda.

Sonymen oblystyń aýdan-qalalaryna myna azamattarǵa kirip-shyǵýǵa ruqsat etiledi:

— halyqtyń tirshiligin qamtamasyz etetitn uıymdardyń qyzmetkerleri; — medısınalyq kórsetkishteri bar adamdar;

— tranzıttik jolaýshylar men júkterdi avtotasymaldaýshylar;

— vahtalyq qyzmetkerlerdi tasymaldaıtyn kólik quraldary;

-kólikti jáne tabıǵat qorǵaý, veterınarıalyq, aýyl sharýashylyǵy is — sharalaryn, jol-jóndeý jumystaryn, avarıalyq qyzmetterdi júrgizýge tartylǵan adamdardy, birinshi kezekte qajetti taýarlardy, tamaq ónimderin, dári-dármekterdi, qatty, suıyq otyndy jáne JJM jetkizýshilerdi, sondaı-aq oblystyń sharýashylyq tynys-tirshiligin qamtamasyz etý úshin taýarlary, jabdyqtary men materıaldary bar barlyq júk kóligin rastaıtyn qujattar usynylǵan kezde (memlekettik tirkeý týraly kýálik, jumyskerler úshin-jumys ornynan mórmen rastalǵan erkin úlgidegi anyqtama);

— quqyq belgileıtin qujattardy usynǵan kezde qala syrtyndaǵy úılerge (saıajaılarǵa) barý úshin turaqty turatyn jerine qaıtyp keletin adamdar men oblys turǵyndary (bir otbasy músheleri);

— jumys berýshiniń mórimen rastalǵan erkin úlgidegi anyqtamasy bar adamdar. Ýaqytsha karantın belgilengen Rýdnyı qalasynda myna qoǵamdyq kóliktiń júrip-turýyna ruqsat beriledi:  № 1, 2, 6, 7, 8, 10, 11, 29, 200.

Sondaı-aq «SSKÓB» AQ qyzmetkerlerin saǵat 5:00-den 10:00-ge deıin jáne saǵat 17:00-den 01:00-ge deıin tasymaldaý úshin bólingen avtokólikter kedergisiz qozǵalady. Oblystyq kirister departamentiniń avtokólikterine saǵat 22:00-den 06:00-ge deıin kedergisiz qozǵalýǵa ruqsat berildi.

Búginnen bastap Qostanaı oblysynyń perımetri boıynsha 18 mobıldi beket qoıyldy.
Bul týraly Qostanaı oblysy Polısıa departamenti jergilikti polısıa qyzmeti basqarmasy bastyǵynyń orynbasary Vıtalı Soı túsindirdi. Vıtalı Soı aımaqta karantındik sharalardy qatańdatýdyń qalaı júrgiziletini týraly túsinikteme berdi.

«Búgin Qostanaı oblysynyń bas sanıtarıalyq dárigeriniń qaýlysy jarıalandy, oǵan sáıkes oblys aýmaǵynda qosymsha shekteý sharalary júrgizilýde. Qaýly boıynsha turǵyndar Rýdnyı jáne Qostanaı qalalaryna emin-erkin kirip-shyǵa almaıdy. Oblysta osy baqylaýdy júzege asyratyn 20 sanıtarlyq beket jumys isteıdi. 17 qarashadan bastap oblys ortalyǵynda jáne Rýdnyı qalasynda aýdan turǵyndarynyń qozǵalysyn shekteý úshin ár aýdan aýmaǵynda 18 mobıldi beket qoıyldy. Bul qalalarǵa kirýge tek tranzıttik kólikterge ǵana ruqsat etiledi», — deıdi V.Soı.

Vıtalı Soı aıtqandaı, Rýdnyı jáne Qostanaı qalalalarynan bólek, basqa aýdandar arasyndaǵy qozǵalys kedergisiz júredi. Barlyq aýdan-qalalardaǵy taksıdiń jumysy 22.00-den 6.00-ge deıin shektelgen.