Qostanaı oblysynda traktordyń plastık bólshekteri shyǵarylady, dep habarlaıdy QR Indýstrıa jáne ınfraqurylymdyq damý mınıstrliginiń baspasóz qyzmeti.
Byltyr Qostanaıda traktor zaýyty ashylyp, 500 turaqty jumys orny qurylǵan edi. Jańa zaýyttyń ashylýyna Úkimet basshysy Asqar Mamın qatysty. Aıta ketsek, byltyr Asqar Mamın elordada «Peterbýrg traktor zaýyty» AQ dırektory Sergeı Serebrákovpen kezdesý ótkizdi.
Onyń barysynda QR men RF arasyndaǵy yntymaqtastyq máseleleri, sondaı-aq Qazaqstanda «Kıroves» traktorlary óndirisin damytý perspektıvalary talqylandy. Endi Qostanaıdaǵy traktor zaýyty «Kıroves» traktorlaryna arnalǵan dońǵalaq bólshegin, gaz shyǵaratyn tútiktiń qorǵanys qaptamasyn, akýmýlátor batareıasynyń qaqpaǵy jáne basqa da plastıkalyq bólshekterdi shyǵaratyn bolady.
«Qostanaı oblysynda atalmysh jobany iske asyrý maqsatynda mamandar Peterbýrg traktor zaýytynda oqytýdan ótti. Bolashaqta plastıkalyq bólshekterdiń jergilikti óndirisine tolyqtaı kóshý, onyń ishinde eń kúrdeli bolyp sanalatyn kapot óndirisin uıymdastyrý kózdelgen. Qazaqstandyq qamtýdy ulǵaıtý úshin kásiporynnyń menshikti ınvestısıasy tek birinshi kezeńde ǵana 85 mln teńgeni qurady. Osydan birneshe kún buryn Qostanaı traktor zaýytynyń tehnıkasyn qurastyrý ýchaskesiniń bastyǵy, alty temir ustasy jáne sheber brıgadır Sankt-Peterbýrgten oraldy. Peterbýrg traktor zaýytynyń qabyrǵasynda bir aı boıy ótken oqý qostanaılyq mamandardyń múmkindikterin túbegeıli ózgertti», delingen mınıstrliktiń aqparatynda.
Aıta ketý kerek, Sankt-Peterbýrg traktor zaýyty uzaq ýaqyttan beri plastıkten jasalǵan bólshekterdiń keń túrlerin óndirýge kóshti, bul kompanıaǵa úshinshi tarap óndirýshilerinen polımerli ónimdi satyp alýdan tolyǵymen bas tartýǵa múmkindik bergen. Dál osyndaı tájirıbeni, jańa tehnologıalardy, jabdyqtar men materıaldardy qostanaılyqtar da qabyldady. Eger buryn munda tikeleı PTZ-da jasalǵan plastıkten jasalǵan daıyn bólshekter keletin bolsa, endi olardy Qostanaı zaýytynyń mamandary óndiretin bolady, bul úshin shyny plastıkti daıyndaý boıynsha barlyq jaǵdaı jasalǵan.
Jalpy, Qostanaıdaǵy traktor zaýyty jylyna 500-den 700-ge deıin alyp traktorlardy qurastyrady. Joba ınjeneri Dmıtrı Gaıdardyń aıtýy boıynsha, munda PTZ ókilderimen birge jasalǵan arnaıy qalyptaý matrısalary qoldanylady, olardyń sapasy da, bólshekteri de Sankt-Peterbýrgte jasalǵan buıymdardan eshbir ereksheligi joq. Eń bastysy, endi plastıkten qajetti bólik synǵan nemese aýystyrylǵan kezde Reseıge ótinish jiberýdiń qajeti joq, mundaı jaǵdaılar óndiris oshaǵynda bir aptanyń ishinde sheshimin tabady.
