Qazaqstan Respýblıkasynyń Premer-Mınıstri Asqar Mamın Qostanaı oblysyna jumys saparymen keldi. Úkimet basshysy Qostanaı aýdanynyń Zarechnyı kentindegi Severnyı shaǵyn aýdanyndaǵy turǵyn úı qurylysymen tanysty.

Turǵyn úıler «Nurly jer» baǵdarlamasy aıasynda salynyp jatyr. Baspana qurylysymen «Arvıs», «Aqjan jáne biz», «Montajnık OA-k» JShS aınalysýda. Jalpy, bul jańa yqsham aýdanda 279 jeke turǵyn úı bar. Injenerlik ınfraqurylym tartylǵan. 430 orynǵa shaqtalǵan memlekettik tilde bilim beretin orta mektep turǵyzyldy. Taıaý keleshekte bul aýdanda memlekettik-jekemenshik áriptestik aıasynda 320 oryndyq balabaqsha, sporttyq mekemeler, saýda nysandary jáne ákimshilik ǵımarattar paıda bolady.
Qazaqstan Respýblıkasynyń Premer-Mınıstri Asqar Mamın Qostanaı qalasyndaǵy Indýstrıalyq aımaqta boldy. Taıaýda Qazaqstan men Reseıdiń úkimet basshylary birlesken jobalardy júzege asyrý jóninde birqatar kelisimge qol qoıǵany málim. Sonyń ishinde Qostanaıda «Kıroves» traktorlaryn shyǵarý bastamasy – irgeli jobalardyń biri. Aldaǵy qazan aıynda iske qosylýy tıis jańa jeli boıynda jylyna 500-den 700-ge deıin alyp traktor qurastyrylady.

Qazaqstan Respýblıkasynyń Premer-Mınıstri Asqar Mamın tanystyrylǵan Indýstrıalyq aımaqtaǵy ekinshi iri joba – «KamAZ» kóliginiń qural-jabdyqtaryn shyǵarý. Bul úsh kezeńnen turady. Alǵashqyda jetekshi beldemniń qozǵalys berilgishi, odan keıin tejegish qalyby, oryndyq, qajetti rezeńke, plasık buıymdary bizde óndiriletin bolady.