Áýlıekól aýdanyna qarasty Amanqaraǵaı eldi mekeninde jańa meshit ashyldy. Osynaý kıeli qulshylyq ornynyń tusaýkeser saltanatyna esimderi elimizge tanymal din qaıratkerleri – QMDB-nyń sharıǵat jáne pátýa bóliminiń meńgerýshisi Sansyzbaı Qurbanuly, QMDB «Ǵulamalar keńesiniń múshesi», Almaty ortalyq meshitiniń naıb ımamy Ersin Ámire, Asqarbek Sarıpbaev, Oraz qajy Oljabaıuly, Rızabek Battaluly, Qabylbek Álipbaıuly, Jasulan Júsipbekov arnaıy kelip otyr.

Saltanatty jıyndy Qostanaı oblystyq «Aımaǵanbet qajy Spanuly» meshitiniń naıb ımamy Álisher Ertaıuly júrgizdi. Meshittiń ashylýyna Qazaqstan musylmandary dinı basqarmasynyń Ersin Ámire quran oqydy.

Al aýdan ákimi Erlan Temenov jınalǵan qaýymdy shyn júrekten quttyqtap, olarǵa izgilik tiledi. Basqosýda Sansyzbaı Qurbanuly quttyqtaý sóz sóılep, ǵıbratqa toly ýaǵyz aıtty. Jergilikti aǵaıyndarǵa bul ashylyp otyrǵan meshit naǵyz ımandylyq ordasyna aınalatyndyǵyna senimdi ekenin jetkizdi. Kópshilik aldynda Qazaqstannyń sóz ónerinde qoltańbasy erekshe aıtystyń aqtańgeri Aıbek Qalıev arnaý oryndady.