Kópshilikke belgili, Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń bastamasymen elimizde «El úlesi – páterge» atty ıgi bastama qolǵa alynǵan edi.
Sodan beri 134 altyn qursaqty ana men baspanaǵa muqtaj jan úıli bolyp, qýanyshqa bólendi. Kezekti baspana kilti Amanqaraǵaı aýylynyń turǵynyna berildi. Bul týraly QMDB-nyń Qostanaı oblysy boıynsha ókildiginiń baspasóz qyzmeti habarlaıdy.
Áýlıekól aýdanyndaǵy Amanqaraǵaı aýylynyń turǵyny, alty bala tárbıelep otyrǵan aıaýly ana Hanymgúl Amantaıqyzyna QMDB-nyń sharıǵat jáne pátýa bóliminiń meńgerýshisi Sansyzbaı Qurbanuly jańa páterdiń kiltin tabys etti. Saltanatty shara Sabyr qajy meshitiniń ashylýy barysynda iske asty.
