Qostanaı oblystyq «Nur Otan» partıasynyń óńirlik fılıalynda depýtattyq fraksıa otyrysy ótti. Keleli kezdesýde Memleket basshysy Qasym-Jomart Toqaevtyń Joldaýynda júktelgen mindetter talqylanyp, óńirde atqarylǵan ister baıandaldy.

Jıynǵa qatysýshylar saıası qujattyń máni men maǵynasyna jeke-jeke toqtalyp, onyń qazaqstandyqtardyń tabysyn arttyrýǵa, áleýmettik jaǵdaıyn jaqsartýǵa baǵyttalǵanyn atap ótti. Bilim men densaýlyq salasy – basty nazarda. Osy baǵytta óńirde birqatar jobalar qolǵa alynǵan.

– Balalardyń ońaltýǵa arnalǵan shaǵyn jáne orta ortalyqtardyń sanyn kóbeıtý nazarda. Búginde № 2-shi Qostanaı mektep-ınternatyn qaıta uıymdastyrý úrdisi qolǵa alyndy. Keler jyldyń 1 qańtarynan bastap, 70-80 jatatyn orny bar erekshe kútimdi qajet etetin 150-200 balany qabyldaıtyn ortalyq ashylady. Odan bólek, Qostanaı men Rýdnyı qalalarynda ınklúzıa kabınetterin ashý josparlanýda, – dedi bilim basqarmasy basshysynyń orynbasary Aıjan Baımaqanova.