Oblys ákimdiginde ótken selektorlyq jıynda stýdenttik jataqhanalardyń qurylys máselesi talqylandy.

Qostanaı oblysynda Avtomobıl joldary, Polıtehnıkalyq jáne Medısınalyq kolejder stýdentteri úshin jataqhanalar salý josparlanýda. Oblys ákiminiń orynbasary Sergeı Karplúk atap ótkendeı, jataqhananyń qurylysy aýyldyq jerlerdegi jastardy turǵylyqty baspanamen qamtamasyz etýge jáne 1250 stýdenttiń ómir súrý jaǵdaıyn jaqsartýǵa múmkindik beredi.

– Qazirgi ýaqytta eki jataqhananyń jobalyq-smetalyq qujattamasy ázirlendi. Avtomobıl joldary koleji janynan 500 oryndyq jataqhana qurylysy bastalady. Onyń smetalyq quny 1,6 mlrd teńgege baǵalandy. Sondaı-aq polıtehnıkalyq kolej janynan 500 oryndyq jataqhana qurylysyna smeta boıynsha 1,5 mlrd teńge jumsalady. Al medısınalyq kolej jataqhanasy qurylysynyń jobalyq qujattamasy jeltoqsan aıynda bekitiledi, — dedi oblys ákiminiń orynbasary Sergeı Karplúk.