Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Aksıa «Eko-saǵat» aksıasy ótti

Oblystyń barlyq mektepterinde «Eko-saǵat» keń kólemdi respýblıkalyq aksıa bastaldy. Bul aýqymdy sharaǵa ustazdar, oqýshylar men stýdentter belsendi atsalysty. Aıta ketý kerek, ekologıalyq saǵat ótkizý – Qazaqstan Respýblıkasy ekologıa, geologıa jáne tabıǵı resýrstar mınıstrligiń, qoǵamdyq mańyzdy bastamalardy damytý qorynyń, ekologıalyq uıymdar qaýymdastyǵynyń birlesken bastamasy.

Biryńǵaı respýblıkalyq ekologıalyq saǵat aıasynda oblystyń barlyq oqý oryndarynda ekologıa taqyrybynda sabaqtar ótti. Oqýshylar tabıǵat týraly beınerolıkter kórdi. Oblystyń aýdan-qalalarynyń mektep janyndaǵy ýchaskelerine 25 myń kóshet egildi. Bıyl ǵana ashylǵan Áýejaı shaǵynaýdanyndaǵy №29 orta mektep mańyna kóshet otyrǵyzýǵa oblys ákimi Arhımed Muhambetov keldi.

— Dana halqymyz «Bir tal kesseń, on tal ek» dep, qorshaǵan ortany qorǵaýǵa, tabıǵatty aıalaýǵa erekshe mán bergen. Búgingi shara da sol ıgi dástúrdi jalǵastyryp, mektep aýlalarynda jas kóshetterdi egýge baǵyttalyp otyr. Bul búgingi urpaqtyń ǵana emes, keler urpaqtyń ıgiligi úshin jasalyp otyrǵan mańyzdy qadam dep bilemin. Aǵymdaǵy jyldyń mamyr aıynda Qazaqstan-Reseı jastarynyń forýmy qarsańynda Qostanaı jáne Qorǵan oblystarynyń aýmaǵynda eki eldi biriktiretin Tobyl ózeniniń boıynda «ECO — challenge Qostanai» ótti. Chellendjge oblystyń 8 qalasy men aýdanynyń jastary belsendi qatysty. Ol elimizdegi barlyq ózender men kólderdiń jaǵalaýlaryn tazalaýǵa baǵyttalǵan «Qazaqstan sylary» jalpy qazaqstandyq jastar qozǵalysynyń bastapqy alańyna aınaldy, — dedi Arhımed Muhambetov.

Munan keıin jergilikti bılik ókilderi bastaǵan top jańadan ashylǵan mekteptiń mańyna kóshet otyrǵyzdy.