Eńbek jáne halyqty áleýmettik qorǵaý mınıstri Birjan Nurymbetov kópbalaly otbasynyń barlyǵyna birdeı tabys kólemine qaramastan 42 500 teńgeden berýdi usyndy, — dep habarlaıdy Tengrinews.kz tilshisi.

Úkimet otyrysynda mınıstr Qazaqstanda balalardyń 60 paıyzy kópbalaly otbasy múshesi ekenin aıtty.

«Osyǵan baılanysty kópbalaly otbasylar quramynan ataýly áleýmettik kómek alatyndardy shyǵaryp, olarǵa tabys kólemine qaramastan qoldaý kórsetýdi usynamyz. Bul kópbalaly analardyń bedelin arttyryp, materıaldyq jaǵdaıyn jaqsartady», — dedi Nurymbetov.

Onyń aıtýynsha, járdemaqy kólemi saralanady. Tórt balasy bar otbasy aıyna 42 500 teńge alady. Bala kóp bolǵan saıyn járdemaqy da kóbeıedi, eń joǵarǵy tólem — 73 370 teńge.