Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Tasymaldaýshylardyń ýáji bar

«Avtobýs» jedel aldyn alý is-sharasy aıasynda Qostanaı oblysy Departamentiniń bastyǵy polısıa general-maıory Beket Aımaǵambetov Rýdnyı qalasynda jolaýshylar tasymaly kásiporyndarynyń ókilderimen kezdesip, olardyń máselelerin tyńdady.

Oblystyń bas polıseıi kenshiler shaharyna jasaǵan sapar barysynda jergilikti polısıanyń front-keńsesinde azamattardy jeke qabyldap, «Qostanaı avtovokzaly» iri avtokásiporynyna bardy. Bul kásiporynda 200 júrgizýshi jumys isteıdi. Olar tek oblys ishinde ǵana emes, sonymen qatar odan tys jerlerge de tasymaldaıdy. Kásiporyn basshysy Botagóz Bopataeva búgingi tańda bul salada eki úlken másele bar ekenin aıtty. Ol – zańsyz tasymaldaýshylar men tehnıkalyq tekserý sapasy.

— Bizde 200 avtobýs bar. Ótken jyly qoǵamdyq kólikti tehnıkalyq tekserý úshin sapaly jabdyqtar satyp alyndy. Bizde kez kelgen kólik tehnıkalyq baıqaýdan óte alady. Biraq búginderi osyndaı qyzmetti eshqandaı tekseristen ótkizbeı, «vatsap» arqyly satatyndar paıda boldy. Kóptegen adamdar lısenzıa alady, avtobýstyń qaı jerge baratynyn aıtpaǵanda, qajetti jabdyqtary joq. Bul rette tehnıkalyq baıqaýdan ótkendigi týraly talon beriledi,- dedi ásiporyn basshysy Botagóz Bopataeva.