Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Ult saýlyǵy — basty nazarda

Óńirimizde jyl saıyn densaýlyq saqtaý salasyna bólinetin qarajattyń 10%-y dári-dármekpen qamtamasyz etýge jumsalady. Bıyl osy maqsatqa 6,9 mlrd teńge bólingen, onyń 6,6 mlrd qarjysy respýblıkalyq búdjet esebinen.

Memleket qazynasynan bólingen soma bekitilgen erejege sáıkes aýrýdyń 45 (týberkýlez, VICH-ınfeksıa, qant dıabeti, qan aınalym júıesi, psıhıkalyq, onkologıalyq aýrýlar, epılepsıa, gemofılıa, ishki aǵzany aýystyrǵannan keıingi jaǵdaı, V jáne S juqpaly gepatıti t.b.) túri men turǵyndar arasyndaǵy ımýndy sharalardyń 17 túrine (qyzamyq, qyzylsha, týberkýlez, kókjótel, dıfterıa, polıomıelıt jáne t.b.) baǵyttalady.

Aımaqtaǵy emdeý mekemeleriniń dári-dármekpen qamtylý jaǵdaıy jóninde oblystyq densaýlyq saqtaý basqarmasynyń basshysy Vácheslav Dýdnık barlyq deńgeıdegi ákimdermen ótken keńeıtilgen májiliste málimdedi.

«Jyldyń alǵashqy toǵyz aıynda 79 myń adamǵa 358 myń resept boıynsha qyzmet kórsetildi. Oǵan 3,5 mlrd teńge jumsaldy. Bul ótken jylǵy merzimmen salystyrǵanda 10 paıyzǵa artyq. Qant dıabeti, arterıaldy gıpertenzıa, sozylmaly júrek soǵysynyń jetkiliksizdigi qatarly sozylmaly aýrýlar qatary artyp keledi», — dedi oblystyq densaýlyq saqtaý basqarmasynyń basshysy Vácheslav Dýdnık.