Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Baspana — basty másele

«Qostanaı – adaldyq alańy» jobalyq keńsesinde Qostanaı oblysynyń ákimi Arhımed Muhambetov turǵyndardyń jeke máselelerin qarady. Qabyldaýǵa on shaqty adam jazylǵan. Olardy tolǵandyrǵan eń basty túıtkil – turǵyn úı máselesi.

Quralaı Aldabaeva – Arqalyq qalasynyń turǵyny. Óńir ákiminiń qabyldaýyna arnaıy kelgen. Ony mazalaǵan da osy baspana jaıy. Keıýana 2019 jyldyń mamyr aıynda sol kezdegi qala ákimi Eldar Eúzenbaevtyń qabyldaýynda bolyp, baspana kezegine turǵan. Keıin onyń atynda 1 bólmeli páter bolǵandyqtan, kezekten alyp tastalǵan. Kóp balaly ana endi zań boıynsha kezekke tura almaıdy. Oblys ákimi bul máseleni muqıat tarazylap, Arqalyq qalasynyń ákimine tıisti tapsyrma júktedi.

– Biz zańnan asyp kete almaımyz. Sizdiń atyńyzda turǵyn úı bar. Sondyqtan kezekke qoıýǵa bolmaıdy. Alaıda, ornyńyzǵa 18 jastaǵy nemereńizdi turǵyzamyz. Arqalyq qalasynyń ákimi Qaırat Ábishev bul máseleni jeke baqylaýyna alyp, keıin maǵan mán-jaıdy túsindirip beredi, — dedi Qostanaı oblysynyń ákimi Arhımed Muhambetov.