«Nur Otan» partıasynyń oblystyq fılıaly ókilderi «Kedergisiz keleshek» partıalyq jobasy aıasynda Muratovtar otbasyna baryp, olardyń 6 jasar balasyna múgedekterge arnalǵan arba syılady.

«Jaqynda «Nur Otan partıasy oblystyq fılıalynyń qoǵamdyq qabyldaýyna Qostanaı qalasynyń turǵyny Áıgerim Muratova kelip, 6 jasar múmkindigi shekteýli balany tárbıelep jatqandyǵyn aıtyp, muńymen bólisip, máseleniń mán-jaıyn baıandap bergen bolatyn. Uldary – týǵanynan múgedek, dıagnozy – julyn jaryǵy (gıdrosefalıa). Tolyqqandy sapaly ómir súrý úshin zamanaýı múgedekterge arnalǵan arbasha kerektigin aıtqan edi. Búgin Muratovtar otbasy kópten kútken arbashaǵa qol jetkizdi», — dep jazdy fılıal tóraǵasynyń birinshi orynbasary Eldar Kúzenbaev «Feısbýk» jelisindegi jeke paraqshasynda.