Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Arnaıy ortalyq ashyldy

Qostanaıda erekshe bilim berýdi qajet etetin balalarǵa arnalǵan ortalyq ashyldy. Biregeı nysannyń jumysymen tanysýǵa oblys ákiminiń orynbasary Marat Júndibaev arnaıy bardy.

-Balalardyń ómirin jaqsartyp, laıyqty jáne tabysty bolashaqqa qol jetkizýge múmkindik berý úshin der kezinde bilikti mamandardyń kómegi aýadaı qajet bolady. Sondyqtan da erekshe oqytýdy qajet etetin balalarǵa jáne olardyń otbasylaryna tıisti járdem kórsetetin osyndaı ortalyq ashylyp otyr. Endi búldirshinderimiz bilikti mamandardyń demeýimen qatardan qalmaı tıisti deńgeıde bilim ala alatyn bolady, – dedi oblys ákiminiń orynbasary Marat Qonysbaıuly.

Bul ortalyq týǵannan bastap 18 jas aralyǵyndaǵy sezimtaldyǵy men túısiný qabileti, sonymen qatar, qımyldaý júıesi buzylǵan, ıntellektýaldy damýynda aqaýy bar, aqyl-esi kem, Daýn sındromymen aýyratyn balalarǵa arnalǵan.

Munda túzetý jáne damytý, psıhologıalyq-pedagogıkalyq kómek, massaj, fızıoterapıa kabıneti, áleýmettik jáne eńbekke ońaltý, mýzyka, óner jáne oıyn-saýyqtyrý qyzmetteri bar. Stasıonarlyq blok zamanaýı qurylǵylarmen jabdyqtalǵan. Qazir mamandardyń mýltıdısıplınarlyq komandasynyń kómegimen 50 bala bilikti kómek alýda. Al 100 bala ońaltý jáne áleýmettendirý kýrstaryna qatysýǵa múmkindik alady.

-Bul ǵımarat buryn oblystyq balalar úıi bolǵan. Sońǵy úsh jylda óńirimizde jetim balalar sany azaıyp, 1150 balany asyrap aldy. Osyǵan baılanysty balalar úıiniń ǵımaraty bosap jabyldy. Qazir bul ortalyqta 3 uıym biriktirildi. Birinshi qabatta oblystyq psıhologıalyq-medısınalyq—pedagogıkalyq komısıa otyratyn bolady. Jáne ǵımarattyń basqa korpýsynda Qostanaı qalalyq arnaıy túzetý mektebi kóshirilip ákelindi. Úshinshi ońaltý ortalyǵy. Osylaı biriktirýdiń arqasynda defektolog sıaqty tapshy mamandar kezektesip jumys isteıtin bolady,- deıdi Qostanaı oblysy ákimdiginiń bilim basqarmasynyń basshysy Vasılı Symbalúk.