Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jańa júıe jaıynda

Aldaǵy jyldyń 1 qańtarynan bastap Qazaqstanda mindetti áleýmettik medısınalyq saqtandyrý júıesi óz jumysyn bastaıdy. Osy jańashyldyqtardy tereńinen túsindirý úshin Qostanaı oblysyna Qazaqstan Respýblıkasynyń Densaýlyq saqtaý mınıstrliginiń jaýapty hatshysy Botagóz Jaqselekova birqatar medısınalyq mekemelerdiń 0jańa júıege daıyndyq barysyn tekserip, selektorlyq rejımde ótken óńirlik shtabtyń otyrysyna qatysty.

Kún tártibinde Qostanaı oblysynda mindetti áleýmettik medısınalyq saqtandyrýdy engizýge daıyndyq jumysy, óńirdiń densaýlyq saqtaý ınfraqurylymynyń daıyndyǵy, aqparattyq-túsindirý jumystarynyń barysy qaraldy.

Sondaı-aq, óz betinshe jumyspen aınalysýshylar mártebesin ózektendirý, jaldamaly qyzmetkerler úshin turaqty emes tólemder boıynsha salyq tóleýshilermen júrgiziletin jumys barysy, MÁMS-ke aýdarymdar men jarnalar tóleýge jatatyn jáne jaldamaly eńbekti beıresmı túrde tartýdy júzege asyratyn tabystardy jasyratyn kásipkerlik sýbektilerin anyqtaý týraly máseleler de sóz boldy.

Oblystyq densaýlyq saqtaý basqarmasynyń basshysy Vácheslav Dýdnıktiń aıtýynsha, búginde oblystaǵy barlyq 61 densaýlyq mekemelerinde medısınalyq aqparattyq júıeni engizý boıynsha jumystar júrgizilip, 100 paıyzǵa qamtyldy. Barlyq medısınalyq qyzmetkerler medısınalyq aqparattyq júıemen jumys isteý úshin oqytyldy.

-Byltyr oblystyq búdjet esebinen kompúterlik tehnıka satyp alýǵa jáne ınternet jelisine qoljetimdilikti qamtamasyz etýge 469 mln teńge baǵyttaldy. Júrgizilgen jumystardyń nátıjesinde oblystyń densaýlyq saqtaý uıymdarynyń ınternet jelisine qol jetimdiligi 99,2 paıyzdy qurady. Alǵashqy medısınalyq-sanıtarlyq uıymdarda MÁMS boıynsha jarnalardy tóleý úshin termınaldardy ornatý jumystary júrgizilip, búgingi kúni 26 uıymda termınaldar ornatyldy, qalǵan 12 uıymda aǵymdaǵy jyldyń sońyna deıin ornatylatyn bolady. Óńirde jańa júıe boıynsha aqparattyq-túsindirý jumystary áli de jalǵasýda, — deıdi Oblystyq densaýlyq saqtaý basqarmasynyń basshysy Vácheslav Dýdnık.