Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Qostanaıda merekelik jármeńke ótti

Onda 120 tonnaǵa jýyq ónim ákelindi. Qostanaıda «Emshan» saýda ortalyǵy mańyndaǵy jabyq shatyr ishinde azyq-túlik jármeńkesi ótti.

Oǵan oblystyń 14 aýdany men Qostanaı, Rýdnyı qalalarynyń aýyl sharýashylyǵy taýarlaryn óndirýshiler ónimderi ákelingen. Jármeńkede 120 tonnaǵa jýyq ónim satylymǵa shyqty. Et ónim-deriniń 30 tonnasy naryq baǵasynan tómen baǵamen satylymǵa qoıyldy.

Aıtalyq, sıyr etiniń kelisi 1350-1500 teńge aralyǵynda satylsa, jylqy eti 1500-1700 teńgeden baǵalandy, qoı etin 1300 teńgeden kezdestirýge bolady, shoshqa eti 1150-1300 teńge shamasynda, al qus etiniń kelisi 750-850 teńgeden usynyldy.

Saýda-sattyq barysyn baǵamdaýǵa oblys ákimi Arhımed Muhambetov arnaıy keldi. 

– Bul oblys kólemindegi 491-shi jármeńke, oǵan óńirdegi barlyq aýdan-qalanyń kásipkeri belsendi qatysyp otyr. Biz shamamen 2,5 mlrd teńgege 5 200 tonna ónim sattyq. Turaqtandyrý qorynyń ónimderi osy jerde satylýda. Qazirgi tańda 882 mln teńge bar, birinshi surypty nan baǵasyn turaqtandyrý úshin taǵy 300 mln teńge bólindi. «Asalıa» dıirmen keshenimen 3200 tonnaǵa kelisim jasadyq. Oblys aýmaǵyndaǵy qalalar men aýdandarda ornalasqan 26 naýbaıhanada nan baǵasyn 83 teńgeden asyrmaımyz. Qazir 120 tonnaǵa jýyq ónimdi naryqtaǵy ortasha deńgeıden 15-20% tómen baǵamen satyp jatyrmyz. Búginde 1-shi suryptaǵy unnyń baǵasy kóterilip jatqanyn bilemin. Jármeńkede 1 kelisi 95 teńgeden satylýda, al gıpermarketterde 120 teńgeden satylady. Jumyrtqa 144 myń dana ákelindi. Bul rette «Jas qanat» turaqtandyrý qorymen kelisim jasastyq, munda 230 teńge, al dúkenderde 250 teńgeden. Jármeńke arqyly áleýmettik taýarlarmen qamtamasyz etý máselelerin sheshemiz, – dedi oblys ákimi.