Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Ertegiler álemine saıahat

Oblys ortalyǵyndaǵy «Jastar saraıynda» dástúrge aınalǵan Prezıdenttik jańajyldyq shyrshasy ótti. Merekelik sharaǵa oblystyń barlyq aýdan, qalalardan eki júz oqýshy qatysty. Qatysýshylar arasynda ozat oqýshylarmen qatar, kóp balaly jáne turmysy tómen otbasylarynyń balalary, jetim jáne ata-anasynyń qamqorlyǵynsyz qalǵan balalar men múmkindigi shekteýli balǵyndar boldy.

Qostanaı oblysynyń ákimi Arhımed Muhambetov shyrsha mańyna jınalǵan oqýshylardy Qazaqstan Respýblıkasynyń Prezıdenti Qasym-Jomart Toqaevtyń atynan quttyqtady:

— Qurmetti jas dostar, kele jatqan 2020 jylmen quttyqtaımyn! Elimiz jyl saıyn dástúrge aınalyp otyrǵan basty shyrsha dýmanyna oblystyń barlyq óńirinen eki júz bala qatysyp otyr. Sender jaqsy oqýmen qatar, ónerde de, sportta da joǵary jetistikterge jetip otyrsyńdar. Sanaly tárbıe berý úshin qazir jańa mektepter, sport, mádenı nysandar salynyp, robottyq tehnıka, IT kabınetteri ashylýda. Elimizdiń Tuńǵysh Prezıdenti Nursultan Nazarbaev ta ózderińizge erekshe qamqorlyqpen qarap otyr. Buryn jańajyldyq shyrsha meıramhanalarda ótkizilip keldi. Búgin Jastar jyly qarsańynda salynǵan «Jastar saraıynda» ótýi beker emes. Bul elimizdiń jarqyn bolashaǵy – senderge degen úlken qurmet. Jańa jyl – barsha qazaqstandyqtar úshin zor úmitpen keler, jaqsylyq kútetin mereke. Búgingi meıram men syılyqtar senderge esten ketpeıtin, erekshe jarqyn kún syılasyn. Oqýda ozat bolyp, ustazdaryń men ata-analaryńnyń úmitin aqtańdar!», — dedi óńir basshysy Arhımed Begejanuly.