Qostanaı oblysynda sıfrlandyrý baǵdarlamasynyń Jol kartasy jumys isteıdi. Onda kórsetilgendeı, 2022 jylǵa deıin oblysta 33 sıfrly ferma jáne ósimdik sharýashylyǵy men mal sharýashylyǵy úshin 348 ozyq ferma qurý josparlanýda.

«Oblystyń Geoaqparattyq portalyn iske qosý jumystary aıaqtalýǵa jaqyn. Bul veb-portalda óńirdiń kartografıalyq aqparaty ornalasady. Nátıjesinde arhıtektýra, qurylys, jer qatynastary qyzmetteri tolyǵymen sıfrlyq júıege kóshedi. Kez kelgen kásipker onlaın jelige kirip, qajetti aqparatyn alady. Densaýlyq saqtaý jáne bilim berý salasy búginde 100% kompútermen jabdyqtalǵan. Osy jyly bilim berý nysandaryna keń jolaqty Internetke qosý jáne kompúterlik parkin jańartý jumystary jalǵasýda. Ótken eki aıda «iKomek» jobasynyń «109» biryńǵaı nómirine júzdegen qońyraý tústi. Turǵyndar máselesiniń 98%-i sheshildi. Osylaısha, halyqtyń memlekettik organdarǵa degen senimin artyryp otyr. Buǵan qosa Qostanaı qalasynda 4 tegin WI-FI taratý jelisi ornatylmaq», — delingen oblystyq aqparattandyrý, memlekettik qyzmetter kórsetý jáne arhıvter basqarmasynyń aqparatynda.