Qostanaı qalasyndaǵy «Iýbıleınyı» yqshamaýdanynda kópbalaly analarǵa turǵyn úıdiń kiltteri tapsyryldy.

Atalmysh turǵyn úı qonystanýshylarǵa «Nurly jer» jáne «Baqytty otbasy» áleýmettik turǵyn úı baǵdarlamasy aıasynda berildi. Qonys toıyn toılaýshylardyń qýanyshyna oblys ákimi Arhımed Muhambetov ortaqtasty. «Elbasy bastamashy bolǵan «Baqytty otbasy» baǵdarlamasy aıasynda 51 kópbalaly anaǵa jańa páter kiltin tapsyrdyq. Buǵan qosa az qamtylǵan otbasylar da páterge ıe bolady. Jalpy úıdiń qurylysyna 904 mln teńge jumsaldy, úıde 144 páter bar. «Nurly jer» baǵdarlamasy aıasynda bıyl 370 myń sharshy metr turǵyn úı tapsyrýdy josparlap otyrmyz», – dedi oblys ákimi.

Páter ıeleri memlekettik baǵdarlamanyń sharty tıimdi ekenin aıtady. Jyldyq 2 paıyzben 20 jylǵa deıin beriledi, bastapqy jarnasy 20 paıyzdy quraıdy.

«Búgin «Baqytty otbasy» baǵdarlamasy boıysha 3 bólmeli páterge ıe boldym. Baspanaǵa ıe bolý úshin 2017 jyldan bastap «Turǵyn úı qurylys jınaq» bankinen depozıt ashyp, qarajat jınaı bastadym. Bastapqy jarnasy tıimdi, men 15 jylǵa alyp otyrmyn. Aılyq tólem 50 myń teńgeden keledi», – deıdi jańa páter ıegeri Álıa Ediresova.